Hakimu anaswa na rushwa ya 200,000

Gurian Adolf
Nkasi

HAKIMU wa Mahakama ya mwanzo ya Chala wilayani Nkasi mkoani mkoani Rukwa Theobad Buyombo anashikiliwa na taasisi ya kuzuia na kupambana na rushwa (TAKUKURU) wilayani Nkasi kwa kosa la kuomba na kupokea rushwa ya Tshs,200,000

Kwa mujibu wa taarifa iliyotolewa na Kamanda wa Takukuru  wilayani Nkasi Samson Bishati alisema kuwa hakimu huyo aliomba rushwa kwa Mwananchi mmoja aliyekuwa na shitaka lake la madai katika mahakama hiyo na aliomba apewe kiasi hicho cha fedha ili aweze kupewa upendeleo katika shauri lake hilo.

Alisema kuwa baada ya hapo Takukuru waliweka mtego na kufanikiwa kumkamata hakimu huyo ofisini kwake majira ya saa 11 jioni jana akiwa na fedha hizo zilizotolewa na Takukuru na kufanikiwa kumkamata hakimu huyo.

Amedai kuwa hakimu huyo baada ya kupokea fedha hizo aliziweka kwenye tofali ndani ya ofisi hiyo na kuwa wao wakiwa na viongozi wa kijiji hicho walifanya upekuzi na kuzikuta fedha hizo na kisha kumkamata na kumfikisha Polisi.

Kamanda huyo wa Takukuru amedai kuwa uchunguzi dhidi ya tuhuma hizo umekamilika na mtuhumiwa huyo atafikishwa mahakamani wakati wowote kuanzia sasa kujibu tuhuma hizo zinazomkabili.
Mwisho

Sungusungu Katavi wamuunga mkono Magufuli

Gurian Adolf
Katavi

WALINZI jadi Sungusungu katika Kata ya Mamba Wilaya ya Mlele Mkoani Katavi wamekabidhi madawati zaidi ya 100 kwa uongozi wa Serikali ya Wilaya ya Mlele yenye thamani ya zaidi ya shilingi milioni tisa kwa ajiri ya kupunguza tatizo la upungufu wa madawati katima shule za Msingi za Halmashauri ya Mpimbwe.

Madawati hayo walikabidhi jana kwa Mkurugenzi wa Halmashauri ya Hiyo Elasto Kiwale katika hafla iliyofanyika katika viwanja vya ofisi ya Mtendaji wa Kata hiyo.

Mwenyekiti wa Sungusungu wa Tarafa ya Mamba Mtamila Mwitasheo alisema katika kumuunga mkono Rais John Magufuli juu ya kuondoa tatizo la upungufu wa madawati katika shule za msingi na sekondari Sungusungu wa Kata ya Mamba wamechangia madawati 105 yenye thamani ya Tshs 9,300,000 kwa ajiri ya shule za Msingi katika Kata hiyo .

Alisema fedha za kutengenezea madawati hayo zilitokana na faini ndogo ndogo ambazo wamekuwa wakiwatoza watu wenye makosa mbalimbali katika kata ndipo Sungusungu waliamua fedha hizo zilizopatikana zitumike kwa ajiri ya kutengeneza madawati .

Mwenyekiti huyo wa Sungusungu alieleza kuwa Watemi wa Sungusungu kwenye shughuli zao za kulinda usalama wamekuwa wakikabiliwa na changamoto mbalimbali ambazo zimeanza kuwakatisha tamaa katika utendaji wao wa kazi za ulinzi .

Katika risala iliyosomwa na Katibu wa Sungusungu wa Kata hiyo Mabula Patrick alieleza kuwa pamoja na kutoa madawati hayo Sungusungu pia wamechangia ujenzi wa vyumba vya madarasa na nyumba za walimu katika Tarafa ya Mamba .

Alisema malengo yao ni kuhakikisha wanamuunga mkono Rais katika kuhakikisha wanamaliza kabisa tatizo la upungufu wa madawati, nyumba za walimu na vyumba vya madarasa.

Kwaupande wake Mkurungezi wa Halmashauri ya Mpimbwe Elasto Kiwale alisema madawati hayo waliokabidhiwa yatasaidia kupunguza tatizo la upungufu wa madawati uliokuwepo katika Halmashauri hiyo .

Aliwaomba pia waendelee kuchangia kwenye sekta nyingine na waendelee kushirikiana na Serikali katika maswala ya kuleta maendeleo kwani Serikali peke yake bila kushirikiana na wananchi haiwezi kutatua changamoto zilizopo.

Pia aliwataka Sungusungu wafanye kazi zao za ulinzi kwenye maeneo yao kwa kuzingatia sheria za nchi ili kuondokana na baadhi ya malalamiko dhidi yao yanayokuwa yanajitokeza wakati wanapofanya shughuli za ulinzi .

Mwenyekiti wa Halmashauri hiyo Nyansongo Serengeti alisema pamoja na sungusungu kufanya shughuli za ulinzi wameonyesha mfano wa kuingwa kwa kuchangia maendeleo kwenye jamii.

Alieleza kuwa eneo la Sungusungu ni la muhimu sana kwa kuwa wanalojukumu la kuleta maendeleo kwenye maeneo yao wanayoishi .

Aliwasisitiza wahakikishe wanashirikiana na jeshi la polisi katika kuwafichua na kuwabaini watu wote ambao wanajihusisha na utumiaji na uuzaji wa dawa za kulevya .

Diwani wa Kata ya Mamba Pascal Sanane aliwapongeza Sungusungu hao kwa uzalendo wao wa kuchangia madawati kwani fedha hizo walizozitumia kutengeneza madawati wangewaza kuamua kuzigawana wenyewe lakini hawakufanya hivyo.

Mwisho

Sumbawanga watakiwa kutumia umeme wa REA kuwekeza viwanda

Gurian Adolf
Sumbawanga

WAKAZI wa wilaya ya Sumbawanga mkoani Rukwa wameshauriwa kuitumia fursa ya umeme wa REA uliowafikia hivi karibuni katika shughuli mbalimbali za kimaendeleo ikiwemo ni pamoja na kuanzisha viwanda vikubwa na vidogo ili viwasaidie kuongeza ajira na kujikomboa kiuchumi.

Ushauri huo umetolewa jana na mkimbizs mwenge wa uhuru katika kijiji cha Muze wilayani Sumbawanga wakati akitoa ujumbe wa mwenge katika kijiji cha Muze kilichopo wilayani humo.

Akizungumza katika viwanja vya stendi katika kijiji cha Muze mmoja wa wakimbiza mwenge kitaifa Fedrick Ndahani alisema kuwa bado matumizi ya nishati ya umeme katika maeneo mengi hayajafikiwa lengo.

Alisema kuwa katika maeneo mengi hapa nchini ikiwemo ni pamoja na wilaya hiyo wananchi wanatumia umeme kwaajili ya kuwasha majumbani, saloon, kwenye fridge na matumizi mengine madogomadogo ambayo hayawafanyi kunufaika vya kutosha na nishati hiyo ya umeme.

Ndahani alisema kuwa iwapo wakazi wa wilaya ya Sumbawanga watatumia vizuri fursa ya kufikiwa na umeme wa REA wataanzisha viwanda vikubwa na vidogo ambapo umeme utawawezesha kufanya shughuli zao bila usumbufu kutokana na kuwepo kwa nishati hiyo ya umeme.

Alisema kuwa wajasilia mali waliopo katika wilaya hiyo wanapaswa kuboresha bidhaa zao hususani katika suala zima la kuziandaa,ufungashaji na kuziwekea lebo ili waweze kuziingiza sokoni zikitambuliwa kuwa zinazalishwa katika wilaya hiyo.

Naye mkuu wa wilaya ya Sumbawanga Dkt Halfan Haule aliwaambia wakazi wa wilaya hiyo kuhakikisha wanaitunza miradi itakayo zinduliwa na kuwekewa mawe ya msingi kwani serikaki imeijenga kwa gharama kubwa na inatokana na kodi zao.

Alisema kuwa nia ya serikali ya tano ni kuwaondolea kero zinazowakabiri wananchi wa wilaya hiyo ndiyo maana imetekeleza miradi ya maendeleo na niwajibu wao kuhakikisha kuwa wananufaika na miradi hiyo.

Aidha Dkt Haule aliwashukuru wakazi wa wilaya hiyo waliojitokeza kwa wingi kuulaki mwenge wa uhuru pamoja na wakimbiza mwenga kitaifa kwani wanaonesha taswira halisi ya upendo, amani na mshikamano kwa wakazi wa wilaya hiyo kwani wamejitoa kwa hali na mali katika kufanikisha mbio za mwenge wa uhuru katika wilaya hiyo. Mwisho.

Watakiwa kutumia umeme wa REA kama fursa ya kuanzisha viwanda

Gurian  Adolf
Sumbawanga

WAKAZI wa wilaya ya Sumbawanga mkoani Rukwa wameshauriwa kuitumia fursa ya umeme wa REA uliowafikia hivi karibuni katika shughuli mbalimbali za kimaendeleo ikiwemo ni pamoja na kuanzisha viwanda vikubwa na vidogo ili viwasaidie kuongeza ajira na kujikomboa kiuchumi.

Ushauri huo umetolewa jana na mkimbizs mwenge wa uhuru katika kijiji cha Muze wilayani Sumbawanga wakati akitoa ujumbe wa mwenge katika kijiji cha Muze kilichopo wilayani humo.

Akizungumza katika viwanja vya stendi katika kijiji cha Muze mmoja wa wakimbiza mwenge kitaifa Fedrick Ndahani alisema kuwa bado  matumizi ya nishati ya umeme katika maeneo mengi hayajafikiwa lengo.

Alisema kuwa katika maeneo mengi hapa nchini ikiwemo ni pamoja na wilaya hiyo wananchi wanatumia umeme kwaajili ya kuwasha majumbani, saloon, kwenye fridge na matumizi mengine madogomadogo ambayo hayawafanyi kunufaika vya kutosha na nishati hiyo ya umeme.

Ndahani alisema kuwa iwapo wakazi wa wilaya ya Sumbawanga watatumia vizuri fursa ya kufikiwa na umeme wa REA wataanzisha viwanda vikubwa na vidogo ambapo umeme utawawezesha kufanya shughuli zao bila usumbufu kutokana na kuwepo kwa nishati hiyo ya umeme.

Alisema kuwa wajasilia mali waliopo katika wilaya hiyo wanapaswa kuboresha bidhaa zao hususani katika suala zima la kuziandaa,ufungashaji na kuziwekea lebo ili waweze kuziingiza sokoni zikitambuliwa kuwa zinazalishwa katika wilaya hiyo.

Naye mkuu wa wilaya ya Sumbawanga Dkt Halfan Haule aliwaambia wakazi wa wilaya hiyo kuhakikisha wanaitunza miradi itakayo zinduliwa na kuwekewa mawe ya msingi kwani serikaki imeijenga kwa gharama kubwa na inatokana na kodi zao.

Alisema kuwa nia ya serikali ya tano ni kuwaondolea kero zinazowakabiri wananchi wa wilaya hiyo ndiyo maana imetekeleza miradi ya maendeleo na niwajibu wao kuhakikisha kuwa wananufaika na miradi hiyo.

Aidha Dkt Haule aliwashukuru wakazi wa wilaya hiyo waliojitokeza kwa wingi kuulaki mwenge wa uhuru pamoja na wakimbiza mwenga kitaifa kwani wanaonesha taswira halisi ya upendo, amani na mshikamano kwa wakazi wa wilaya hiyo kwani wamejitoa kwa hali na mali katika kufanikisha mbio za mwenge wa uhuru katika wilaya hiyo.

Dc Sumbawanga aagiza baa kufunguliwa jioni

Na Gurian  Adolf
Sumbawanga

MKUU wa wilaya ya Sumbawanga mkoani Rukwa Methew Sedoyeka amepiga
marufuku biashara ya  kuuza pombe na vilevi vingine nyakati za asubuhi
badala yake biashara hiyo ianze kufanyika kuanzia saa 9;00 za mchana
baada ya muda wa kazi.

Akizungumza na vyombo vya habari ofisini kwakwe Methew Sedoyeka
alisema kuwa biashara hiyo imekuwa ikisababisha watu kunywa pombe
asubuhi na kushindwa kufanya kazi hali inayowasababisha washindwe
kujipatia kipato.

Alisema haiwezekani wilaya hiyo ikawa na walevi wengi kupita
wazalishaji kwa kufanya kazi na hivyo ameviagiza vyombo vya ulinzi na
usalama vya wilaya kuhakikisha vinachukua hatua kwa watu watakao kaidi
amri hiyo ya DC.

Aidha alitoa wito kwa wananchi wa Manispaa ya Sumbawanga pamoja na
wilaya ya Sumbawanga kujituma katika kazi ili waweze kupata kipato
kikubwa kitakacho wawezesha kujipatia maendeleo kutokana na nguvu kazi
yao.

Baadhi ya wakazi wa mji wa Sumbawanga wamepokea kwa mtazamo tofauti
agizo hilo la mkuu wa mkoa ambapo baadhi yao wamepongeza agizo hilo
huku wengine wakilalamikia kwamadai kuwa wao uzalishaji wao unatokana
na kuuza  vilevi na wanalipa kodi.

Mmiliki mmoja wa baa mjini humu Peter  Kayanda alisema kuwa wapo watu
kazi zao wanafanya nyakati za usiku kama walinzi na waliopo zamu za
usiku kazini muda wao wa kupumzika na kupata starehe unakuwa ni
asubuhi jioni ni muda wa kuelekea kazini.

Alisema kuwa pia serikali inapaswa kufahamu kuwa makampuni yanayouza
vilevi hapa nchini ndiyo yanaongoza kwa kulipa kodi tofauti na
makampuni ya uchimbaji wa madini hatua hiyo inaweza kusababisha
kupungua kwa mapato hata ya serikali.

Naye Monica Mayage mkazi wa Sumbawanga alisema kuwa kitendo hicho
kitasababisha pia watumishi walevi wa sekta binafsi na serikali kuwepo
kazini muda wote wa kazi na kuwajibika kwani baadhi yao wamekuwa
wakitoroka hata kazini kwajili ya kwenda kunywa pombe.

Mwisho

Wafugaji Mlele wamuangua DC

Na Gurian  Adolf

Mlele

WAFUGAJI wilayani Mlele mkoani Katavi wamemuangukia mkuu wa wilaya hiyo Issa Njiku wakimuomba asitishe kwanza  agizo lake la kuwataka waondoke katika mapori wanapofugia kwa madai kuwa maeneo hayo ni mapori tengefu.

Akiongea na  waandishi wa  habari  jana  mwenyekiti wa Chama  cha  wafugaji mkoa  wa  Katavi  (CCWT) Mussa  Kabushi  alisema   chama  cha wafugaji kinamwomba  mkuu huyo wa  Wilaya  asitishe  zoezi  alilopanga lianze kufanyika   Aprili  20  katika  Kata ya  Ugala  la kuwahamisha  wafugaji waliofuga mifugo  katika  mistu ya   Kata ya Ugala  katika  vijiji vya  Katambike  Kamili  na Kitongoji   Sanda.

Alisema kutokana na agizo la mkuu huyo wa wilaya la kuwataka wafugaji waondoke katika maeneo waliyopo hivi sasa linawasababishia usumbufu mkubwa na kuwafanya wajihisi kana kwamba wananyanyasika ndani ya nchi yao na wamekuwa wakifukuzwa fukuzwa hovyo bila utaratibu kama ni wakimbizi walioko ugegenini.

Kabushi alisema kuwa katika wilaya hiyo kuna mgawanyo wa matumizi ya ardhi ambapo

eneo walilotengewa wafugaji  ni  Ekta 3,765 sawa  na  hekta 9,430 ambalo linatosha  kulishia  mifugo   1,886 wakati  mifugo  iliyopo ni  zaidi ya  elfu  kumi .

Alisema kutokana na kutokuwa na eneo la kutosha kumesababisha wafugaji kuchungia mifugo hadi nje ya eneo walilotengewa hatua ambayo inatafsiriwa na serikali ya wilaya kuwa wamevamia katika maeneo ya hifadhi na hivyo kufukuzwa bila hata majadiliano.

Mwenyekiti huyo wa wafugaji alisema kuwa kwakuwa wakati mchakato wa ugawaji maeneo hayo unafanyika wafugaji hawakushirikishwa ni vizuri buasra za mkuu wa wilaya zikatumika na akaitisha mkutano ili zoezi hilo lifanyike upya kwa kuwashirikisha wafugaji ili kuondoa hata hatari ya mivutano baina ya wafugaji na wakulima.

Hivi karibuni Kwenye  mkutano  wa hadhara katika kata ya Ugalla wilayani humu,mkuu  huyo wa  Wilaya aliagiza ifikapo April 20 wafugaji wote wanaochungia ng'ombe katika hifadhi na maeneo mengine ambayo ni tengefu  waondoke mara moja  pia  aliwataka  wafugaji hao wapunguze mifugo yao ambapo aliwasahauri  waipunguze hadi kufikia mwenye ng'ombe 200 abaki na 100 na mwenye 100 abaki na 50.

Mwisho

Serikali ya kijiji yawaonya wafugaji kutembea na silaha za jadi

Na Gurian Adolf
Nkasi.

SERIKALI ya kijiji cha Ntatumbila wilayani Nkasi Mkoani Rukwa imewapiga marufuku watu wa jamii ya wafugaji kwenda maeneo ya starehe wakiwa na silaha za jadi ikiwemo mapanga hali ambayo inahatarisha usalama wa eneo husika.

Mwenyekiti wa kijiji hicho Ignas Kanjele alipiga marufuku hiyo katika mkutano wa kijiji uliofanyika jana uliokuwa na lengo la kuzungumzia hali ya usalama pamoja na kutoa taarifa ya mapato na matumizi ya kijiji hicho.

Alisema kuwa katika kijiji hicho kumekuwa na tabia ya muda mrefu kwa wafugaji kutembea wakimwa na sime, mkuki, mapanga na hata marungu hali inayosababisha hofu kwa baadhi ya wananchi kwani hawajui usalama wao wanapokutana na mtu huyo.

Mwenyekiti huyo wa ulinzi na usalama wa kijiji hicho alisema kuwa kutokana na kutembea na silaha hizo bila serikali yake kuchukua hatua baadhi yao wamekuwa wakiwapiga wananchi na hata kuwajeruhi hali ambayo haivumiliki kijijini hapo.

“ kuanzia leo hii ni marufuku kwa wafugaji kutembea na silaha za jadi kwakua hii inasababisha wawapige wananchi fimbo na kuwaumiza huku wengine wakienda katika sehemu za starehe kama harusini, mpirani wakiwa na fimbo na sime atakaye kamata atachukuliwa hatua”

Aidha aliliagiza jeshi la mgambo kijijini hapo kuhakikisha kuwa wanawasaka watakaokiuka amri hiyo ili kuondoa vitendo vya uvungaji sheria kwani hata migogoro ya wakulima na wafugaji inatokana na wengine kutembea na silaha hali inayosababisha kundi jingine litumie silaha yanapokabiriana makundi haya mawili.

Kufuatia marufuki hiyo baadhi ya wakazi wa kijiji hicho wakizungumza na gazeti hili waliushukuru uongozi wa kijiji hicho walidai kuwa tabia hiyo imekuwa ikiwakera kwa muda mrefu lakini walikuwa hawana namna ya kufanya.

Monica Kavishe mkazi wa kijiji hicho alisema kuwa baadhi ya wafugaji hao wamekuwa wakiwachapa fimbo na kuwajeruhi na wamekuwa wakifanya ubabe kijijini hapo kwa madai kuwa wanauwezo hata wa kifedha wa kuwadhibiti viongozi wa serikali lakini kutokana na maamuzi ya mwenyekiti Kanjele inaonesha ameamua kwenda na kasi ya serikali ya awamu ya tano ya rais John Magufuli.

Mwisho