Dr Slaa awataka wakazi wa mkoa wa Rukwa waibwage CCM Uchaguzi mkuu.

Na Gurian  Adolf

Sumbawanga

KATIBU mkuu  wa Chama cha Demokrasia na maendeleo (CHADEMA) taifa, Dr Wilbrod Slaa amewataka wakazi wa mkoa wa Rukwa kuhakikisha wanakimwaga chama cha Mapinduzi (CCM) katika uchaguzi mkuu ujao kwani ndiyo chanzo cha wao kuwa naisha magumu ikiwemo kukosa soko la mahindi.

Akihutubia maelfu ya wakazi wa mkoa huo ambao walifika katika viwanja vya shule ya msingi Kizwite alisema kuwa hali mbaya inayolikabiri taifa hivi sasa ni kutokana na uongozi mbaya wa chama cha Mapinduzi.

Alisema kuwa chama hicho kimeshindwa kuisimamia serikali iliyopo madarakani na hivyo taifa kukumbwa na ufisadi, wizi na ujambazi wa maliasili kiasi kwamba nchi imebaki nyeupe na haina kitu hivi sasa.

‘’maisha ya watanzania yanazidi kuwa magumu kwasababu ya CCM, hakuna njia nyingine kwa watanzania zaidi ya kukibwaga chama hicho katika uchaguzi mkuu ili iundwe serikali mpya ambayo kamwe haitawapa nafasi mafisadi ambao ndiyo wamekuwa jinamizi wa taifa hili’’…..alisema Slaa.

Katibu mkuu huyo alisema kuwa suluhu ya matatizo ya watanzania ni kuhakikisha wanajiandikisha kwa wingi katika daftari la kudumu la wapigakura na mwezi wa kumi wajitokeze kwa wingi ili kupigia kura wagombea watakaoteuliwa na UKAWA kwani ndio wamebeba matumaini ya watanzania wote.

Aidha aliwashukuru wakazi wa mkoa wa Rukwa kwa kukipa ushindi  mkubwa chama cha CHADEMA katika uchaguzi wa serikali za mitaa mwezi wa 12 mwaka jana  ambapo katika jumla ya mitaa 166 katika mkoa wa Rukwa CHADEMA ilipata mitaa 102 huku CCM ikiambulia mitaa  62  tu.