Malocha aing'ang'ania serikali

Na Gurian Adolf
Sumbawanga

SERIKALI imesema kuwa bado nia ya kujenga barabara  ya kutoka Wilayani Sumbawanga(bonde la ziwa Rukwa) kwenda wilayani Momba katika mkoa wa Songwe  ipo  pale pale na hii itajengwa Mara baada ya upembuzi yakinifu pamoja na hatua mbali mbali kukamilika.

Hayo yamebainishwa na naibu waziri wa ujenzi uchukuzi na mawasiliano  Bungeni, Mhandis Edwin Ngonyani wakati akijibu swali la  mbunge wa Kwela Ignas  Maocha aliyetaka kujua ni lini  serikali itajenga Barabara kwa kiwango cha lami ambayo ina anzia katika kijiji cha  Kibaoni na kupita katika vijiji vya Mfinga,Muze,Ilemba,Kaoze, Kilyamatundu hadi katika Kijiji cha  Kamsamba na Mlowo katika wilaya ya Momba mkoa wa Songwe.

 

Picha  ya mbunge wa Kwela Ignas Malocha akihutubia katika mkutano wa hadhara jimboni Kwake katika jimbo la Kwela

Naibu waziri huyo  alisema kuwa bado serikali inania ya dhati ya kujenga barabara  hiyo na ipo  katika hatua mbalimbali na hivyo kumtaka mbunge Malocha pamoja na wananchi wa jimbo la  kwela kuwa na subira.

Awali mbunge Malocha alihoji kuwa ni muda mrefu sasa tangu  mikakati hiyo ilipo anza lakini hafurahishwi na kasi imekuwa ya pole pole  kwani barabara  hiyo itakuwa mkombozi kwa wakazi  wa bonde  la  ziwa Rukwa.

Alisema kuwa iwapo serikali itajenga  barabara  hiyo itasaidia kufungua bonde  hilo  ambalo  ni maarufu kwa kilimo cha mahindi pamoja na mpunga na wananchi wataweza kusafiri kutoka na kuingia wilayani humo  bila usumbufu.

Malocha alisema kuwa iwapo bara bara  hiyo itakamilika niwazi biashara zitashamiri katika bonde  hilo  na wawekezaji wataweza kufika na hata kuwekeza viwanda ambayo ndiyo dhamira ya serikali ya awamu ya tamo  kwani kutakuwa na miundombinu ya uhakikaka ambapo serikali pia itanufaika na bonde  hilo. 

Mbunge huyo  alisema kuwa wakazi  wa bonde  la  ziwa Rukwa wanaisubiri kwa hamu kubwa barabara  hiyo kwani itawanufaisha na wataboresha maisha yao kwa kuwa wataweza kufanya biashara na watu kutoka maeneo mengine  ambao hawafiki hivi sasa kutokana na kutokuwa na bara bara  ya kiwango cha lami.

Hata hivyo bonde  la  ziwa Rukwa iwapo litapata barabara  hiyo itasaidia kuinua uchumi wa mtu  mmoja mmoja na taifa  kupata manufaa kwa kukusanya Kofi kwani biashara zitafanyika katika kipindi chote cha mwaka bila kuhofia nyakati za Masika ambazo zimekuwa na changamoto kubwa.

Mwisho