Wanahabari Rukwa washauriwa kujiunga na Bima ya Afya

Na Gurian  Adolf

Sumbawanga

 

WAANDISHI wa habari mkoani Rukwa wameshauriwa kujiunga na huduma  za mfuko  wa Bima ya Afya ya Taifa  ili waweze kujihakikishia kupata matibabu hata wakati wakiwa wameugua na hawana fedha.

Ushauri huo ulitolewa na Grory Mziray afisa  kutoka ofisi  za mfuko  wa bima  ya afya ya mkoa wa Rukwa wakati akitoa  mada katika kongamano la siku ya Uhuru wa habari lililofanyika katika ukumbi wa halmashauri ya Wilaya ya Sumbawanga mkoani humo.

Grory Mziray afisa  kutoka ofisi  za mfuko  wa bima  ya afya ya mkoa wa Rukwa wakati akitoa  mada katika kongamano la siku ya Uhuru wa habari lililofanyika katika ukumbi wa halmashauri ya Wilaya ya Sumbawanga mkoani humo.

Alisema kuwa nivizuri sasa wanahabari  wakajiunga na huduma za mfuko  wa Bima ya afya ya taifa  kupitia fao  la  kikoa  ambalo  linatoa wigo kwa wanachama walio katika vikundi vilivyo  sajiliwa kwani chama chao kimesajiliwa na kinatambulika kisheria.

Alisema kuwa kwa kupitia fao  hilo kila mchangiaji mmoja  anapaswa kulipia shilingi 76,800 na atapatiwa kitambulisho ambacho kitamuwezesha kutibiwa katika vituo zaidi ya 6,900 vilivyopo nchi nzima.

Hata hivyo katika kongamano hilo baadhi ya wadau wa habari walivilaumu vyombo vya habari vya kitaifa kwakua vinazipa kipaumbele tu habari za majiji makubwa kama Dar es Salaam.

Baadhi ya wadau wa habari wakifuatilia mada mbalimbali zilizokuwa zikiwasilishwa katika kongamano la wanahabari na wadau wa habari siku ya uhuru wa vyombo vya habari

Mmoja wa wadau hao Anatory  Sikulumbwe alisema kuwa miongoni mwa changamoto ambazo  zinawakumba wanahabari  ni kuwa wengine hawapendani maana aliyopo chumba cha habari yeye akipata mkataba anaridhika na hajali kuhusu mwanahabari aliyepo mkoani ambaye ampelekea habari kila siku.

Alisema kuwa ikifika wakati wanahabari  wakijitambua na kujaliana wataacha kunyanyasika na kunyimwa haki zao kwani wanafanya kazi lakini wanakosa tija kutokana na kutokuwa na mikataba ya kazi.

Hata hivyo aliwasihi wanahabari  kutumia mitandao ya kijamii kwakua wanahabari  wenyewe  ndio wanaimiliki na wao ndio waamuzi wa kuweka habari katika mitandao hiyo na waliitaka jamii kuachana na habari kuwa habari siyo lazima ikawa kwenye gazeti, redio na televisheni.

Mwisho