Madiwani Katavi wampongeza rais Magufuli

Na Gurian Adolf

Katavi

Madiwani wa Manispaa ya Mpanda mkoani  Katavi  wamempongeza rais John Magufuli kwa ujasiri aliouonesha wa kulinda  rasilimali za nchi  hasa  katika suala la madini na pia wamelaani vikali baadhi ya watu wanaobeza jitihada alizozifanya. 

Pongezi hizo kwa rais walizitoa jana kupitia waandishi wa habari ambapo Meya wa Manispaa ya Mpanda Willy Mbogo alizungumza niaba ya madiwani hao.

Alisema madiwani wa Manipaa ya Mpanda wameamua kutoa tamko mahsusi la kumpongeza rais Magufuli kwa ujasiri aliouonesha wa kulinda rasilimali za nchi hasa katika suala zima la madini.

Mbogo alisema wanawalaani vikari baadhi ya watu ambao wanaobeza jitihada zinazofanywa  na rais  za kulinda rasilimali zetu za  nchi nahasa madini  kwa  ajiri ya  manufaa ya Watanzania  wote.

"Rais mwanzo aliunda kamati mbili ambazo zilitoa taarifa na sasa amefanyia kazi mapendekezo  yaliotolewa na  kamati hizo  na  tayari  tumeanza kupata manufaa makubwa kwani  Kampuni ya Barick Gold imekubali  kutupa asilimia 16 ya hisa za kampuni hiyo",alisema

"Pia wamekubali kulipa Dola za kimarekani milioni mia tatu na kugawana nusu kwa nusu faida ya mapato yanayopatikana,kitu ambacho kimetokana na jitihada za rais wetu za kulinda  rasilimali za nchi yetu"

 Alisema madiwani wa  Manispaa ya Mpanda wanaamini mapato hayo yatakayopatikana  yataongezeka  Serikali na halmashauri zote zitaongeza uwezo wa kuwahudumia wananchi.

Naye diwani wa Kata ya makanyagio Haidari  Sumry aliomba jitihada za rais zisiishie kwenye madini tu bali nguvu iongezeke kwenye  maeneo  mengine  ili uchumi wa  nchi  uweze  kukua  na kuongezeka zaidi ya hivi sasa.

Alisema endapo rasilimali za nchi zitasimamiwa vizuri halmashauri zitanufaika na mapato yataongezeka Serikalini  kwani  hata huduma  kwenye halmashauri zitaboreshwa zaidi.

Kwaupande wake diwani wa viti maalumu katika halmashauri hiyo Getruda  Kabinda alisema kuwa watu ambao walikuwa wakinufaika peke yao na rasilimali za nchi hii ndio wanaobeza na kupinga jitihada zinazofanywa na rais kwa manufaa ya watanzania wengi katika kulinda  rasilimali za nchi.

Alimuomba rais Magufuli kukaza uzi kwani watanzania wanyonge wanatambua anachokifanya na kamwe asikatishwe tamaa na wasaliti wachache kwa maslahi yao,kwani hatua anazochukua japo siku moja atakufa lakini atabaki anaishi katika mioyo ya wanyonge Kama baba wa taifa  mwalimu Julius Nyerere.

Mwisho