Sumbawanga wajipanga kukabili mafua ya nguruwe

Na Gurian  Adolf

Sumbawanga

KUTOKANA na kuwepo kwa ugonjwa wa mafua ya nguruwe katika Kata tatu za Manispaa ya Sumbawanga mkoani Rukwa, imeanzishwa karantini maalumu katika Manispaa hiyo ili kukinga kuenea kwa ugonjwa huo.

Kaimu afisa mifugo wa Manispaa hiyo Abdala  Abdala alizitaja kata ambazo tayari zimeonekana nguruwe wake kuanza kuathirika na ugonjwa  huo kuwa ni kata ya  Kizwite,kata ya  lwiche, kata ya Katandala ambapo tayari nguruwe wameonekana kuugua ugonjwa  huo wa mafua  ya nguruwe.

Akizungumza na rukwakwanza.blogspot.com kaimu Afisa mifugo huyo  alisema kuwa tayari imeanzishwa karantini katika Manispaa ya sumbawanga ili kuzuia kuendelea kuenea kwa ugonjwa  huo ambao unawadhuru wanyama hao na si banaadamu hivyo ni vizuri kukabiliana nao ili wanyama hao wasije wakafa na wakaisha kwa ugonjwa  huo. 

Alisema kuwa hapo awali ugonjwa huo uliripotiwa katika halmashauri nyingine za mkoa huo lakini tayari umefika katika manispaa ya Sumbawanga na hii imetokana na vimelea vya ugonjwa huo kuhamishwa kutoka huko ama na nguruwe kutokana na biashara ya wanyama hao au binadamu ambao wanawagusa na kula nyama  yake  hadi kufika katika Manispaa ya Sumbawanga.

Alizitaja dalili za nguruwe wanapokuwa wamepatwa na mgonjwa wa mafua  ya nguruwe kuwa ni nguruwe hao kupata na homa kali na kuwa na rangi  nyekundu kuliko kawaida, manyoya yake kusimama  na iwapo wafugaji wa nguruwe wakiziona dalili hizo wanashauriwa kutoa  taarifa kwa wataalamu wa afya ya mifugo wao watajua la  kufanya.

Mmoja wa wafugaji wa nguruwe katika Mji wa Sumbawanga Madanga Kayanza, alisema kuwa awali alikua na hofu na usalama  wake na familia kwa ujumla lakini hofu ilipungua baada ya kuelezwa na wataalamu kuwa viini vya mgonjwa huo havina madhara kwa binadamu ila  kwa nguruwe lakini aliumia tu iwapo nguruwe wake wataugua wanaweza kufa  kwa mgonjwa huo.

Alisema kuwa tatizo ni hasara ambayo unaweza kuipata  kwakua yeye anafuga nguruwe kwaajili ya kuuza na kujipatia kipato na ikitokea nguruwe wake wakipata ugonjwa huo na kufa  atakuwa  amepata hasara kwakua akiwauza ama kuwachinja na kuuza Nyama yake amekuwa  akijipatia kipato kwaajili ya kutatua changamoto nyingine katika maisha.

Mwisho