Maleria yaongezeka Katavi

Na Walter  Mguluchuma

Katavi

TAFITI zinaonesha kuwa mkoa wa  Katavi katika  kipindi cha  mwaka  2015/ 2016 unamaambukizi ya  ugonjwa wa   Malaria  kwa kiwango cha  asimlia 14 na Kitaifa  maambuzi  ya ugonjwa huo ni  asilimia 14.8.

 Hayo yamebainishwa na Mkuu wa  Mkoa wa  Katavi Meja  Generali  mstaafu Raphael  Muhuga  wakati  alipokuwa  akifungua  mkutano  wa   mpango  wa ugawaji  wa  vyandarua  kupitia  katika  vituo  vya kutolea  huduma  za  Afya  na  katika  shule  za  Msingi  uliofanyika  katika ukumbi  wa  Manispaa ya  Mpanda  uliowashirikisha  wakuu wa  Wilaya za  Mkoa wa  Katavi, Wakurugenzi  wa Halmashauri  Waganga wakuu wa  Halmashauri na  Maofisa  Elimu.

  Alisema  tafiti za  mwaka  2015/ 2016 zinaonyesha  maambukizi  ya ugonjwa  wa   Malaria ni  asilimia  114.8 Kitaifa  na  Mkoa wa  Katavi  ni  asiliimia 14  wakati kwa  mwaka  2008 maambukizi  yalikuwa  ni  asilimia  9.1 Kitaifa  na  katika  Mkoa wa  Katavi  ilikuwa ni  asilimia  11.

Tangu wakati huo mpaka sasa  kunaongezeko la asilimia  tatu hivyo  juhudi  za makusudi  bado zinahitajika  ili  kuweza kupunguza  zaidi ya hapo kasi  ya kuongezeka kwa ugonjwa  huo .

Muhuga  alisema kuwa   Serikali  kupitia   wadau  imeanzisha  mpango  wa ugawaji  wa  vyandarua kwa jamii  kupitia   vituo  vya kutolea  huduma ya   afya  kwa wajawazito  na watoto  chini ya  umri wa  mwaka mmoja  na  wanafunzi  katika  shule za Msingi mkoani humo.

Afisa  mipango  wa  Taifa wa   kudhibiti    malaria  Oguda  Josh  alisema kwa  kutumia   mikakati mbalimbali, Wizara ya  Afya na Maendeleo  ya  Jamii Jinsia, Wazee  na  Watoto  ilidhamilia  kuwa ifikapo  mwaka 2016 maambukizi  yawe yamepungua  hadi   asilimia  tano  na ifikapo mwaka 2020 maambukizi ya   malaria  yawe ni  asilimia moja tu.

 Alifafanua  kuwa  moja wapo ya  mkakati  wa kupunguza   malaria  ni ugawaji  wa  vyandarua  kupitia  vituo vya  kutolea  huduma  za  Afya  na  shule za  msingi.

Lengo la  mkakati huo  ni  kupunguza  vifo  vya wajawazito  na  watoto  chini ya umri  wa miaka  mitano   hivyo  utumiaji  wa  vyandarua  uliosahihi  utaweza  kupunguza  vifo kwa kiwango kikubwa.

Mratibu wa Malaria wa  Mkoa wa  Katavi  Dkt  Benald  Mbushi  alieleza kuwa  Mkoa wa  Katavi kumekuwepo kwa  ongezeko la  ugonjwa huo kutokana  na  sababu  mbalimbali.

Alizitaja  baadhi ya  changamoto  hizo kuwa ni  kutofanyika kwa  muda  mrefu  kampeni za  kuwahamasisha watu kudhibiti  ugonjwa  wa   malaria  kwenye   maeneo yao ya kuishi na  kwenye  maeneo yao  wanayofanyia kazi.

 Pia alisema  changamoto ya miundo  mbinu  inayosababishwa na  watu wanaochimba   mashimo ya kuchimbia  madini na wanao   tengeneza barabara  ambao wamekuwa wakichimba  mashimo na kuyaacha wazi bila  kuyafukia na matokeo yake mashimo hayo yamekuwa ni sehemu ya mazalia ya mbu .

Dr  Mbushi  alitaja  changamoto nyingine kuwa mbu siku  hizi wamebadili   tabia  wamekuwa wakishinda ndani   ya  nyumba  wanazoishi watu  na kumpumzika   nje ya   nyumba hali inayosababisha kuwauma watu hata nyakati za mchana kirahisi.

mwisho