NKASI
NAIBU katibu mkuu wa UVCCM taifa Shaka Hamdu Shaka amesema kuwa Chama cha Mapinduzi (CCM) sasa hakipo tayari kuwalea ama kuwavumilia wana CCM wasaliti na kuwa kama ikibainika wataondolewa ndani ya chama hicho kwa lazima.
Akizungumza na wanachama wa CCM katika mkutano wao wa ndani wa kata za Kirando na Itete jana amesema kuwa chama hicho kilipofikia kwa sasa hakiwezi kuwalea wasaliti bali kitawaondoa na kuwataka wana CCM kutembea kifua mbele kwani chama hicho sasa kinafanya mambo makubwa kwa ajiri ya Watanzania.
Amesema haoni sababu ya Wana CCM kuwa wanyonge wakati chama hicho kinafanya vizuri kwa sasa na kumtaka kila mmoja kuwa na uthubutu na kuwa na uhuru wa kuzungumza na kuyatangaza mema popote yanayofanywa na CCM
Awali katibu wa CCM wa wilaya Kafuge Joel amelidai kuwa kwa sasa watu wengi wameanza kukielewa chama hicho na kila mmoja anatamani kuwa mwanachama wa CCM.
Mkuu wa wilaya Saidi Mtanda alimweleza naibu katibu mkuu huyo kuwa kati ya maeneo ambayo sasa serikali imepeleka miradi mingi ya maendeleo ni pamoja na Kirando na kuwa mpaka sasa kuna miradi ya zaidi ya milioni 400 imetekelezwa katika eneo hiloNa wanachama 37 kutoka katika vyama mbalimbali vya siasa walijiunga na CCM na naibu katibu mkuu Shaka aliwakabidhi kadi mpya za CCM.
mwisho
No comments:
Post a Comment