serikali yaagiza ng'ombe wa wafugaji waachwe huru

Na Walter Mguluchuma

Katavi

Serikali imeingilia kati mgogoro wa muda mrefu baina ya wafugaji na uongozi wa pori la akiba la Rukwati lilopo mkoani Katavi,ambapo imeamuru wafugaji warejeshewe ng'ombe zaidi ya 600 walioingizwa kwaajili ya kuchungiwa ndani ya pori hilo. 

Waziri wa mifugo na Uvuvi  Luhaga  Mpina alitoa agizo hilo baada ya kubani mifugo hiyo inashikiliwa wakati hakuna hati yoyote inayowataka kuishikilia mifugo hiyo.

Uongozi wa pori la akiba la Rukwati uliwakamata ng'ombe 1,332 mwaka  jana mali ya wafugaji watatu katika waishio katika bonde la ziwa  Rukwa  kwa kosa la kuchungia katika pori hilo la akiba.

Waziri  Mpina alilazimika  kufika kwenye pori  hilo kwa  lengo la  kutatua  mgogoro huo ulikuwa umedumu kwa muda mrefu na kujiaonea  hali halisi ya  mazingira ya mifugo hiyo ilikuwa  ikiendelea  kushikiliwa.

 Alisema kuwa alishitushwa na  taarifa  iliyotolewa  na Meneja wa pori  hilo  Pascal  Mhina  ambae alimweleza kuwa Wanashikilia ng'ombe 1,332 kwa  zaidi ya  mwaka  mmoja  na   miezi tisa kati ya ngombe hao 692 wamekufa na wamebaki 640.

Hivyo  aliwaagiza viongozi wa  Serikali wa mkoani Katavi kuhakikisha  mifugo  hiyo wanaikabidhi kwawenyewe na  kwa watumishi watakao bainika walisababisha  uzembe wa  vifo vya mifugo hiyo watashukuliwa hatua na mamlaka husika.

Alisema kulikua hakuna sababu ya msingi ya kuendelea  kuishilikia  mifugo hiyo baada ya wao kuwafungulia mashitaka watuhumiwa watatu kwa kuingiza mifugo kwenye  pori hilo na katika  kesi ya  awali  iliyosikilizwa katika mahakama ya wilaya ya  Mpanda ilitowa  hukumu na kuamuru  mifugo  hiyo itaifiswe iwe  mali ya  Serikali.

Alimtaka meneja wa  pori la akiba  amwoneshe hati yoyote  inayowapa   mamlaka ya  kuendelea kuwashikilia ng'ombe hao wakati  wafugaji  walikuwa wanatuhumi baada ya hukumu ya  mahakama ya wilaya ya  Mpanda kutoa uamuzi wa kutaifisha mifugo watuhumiwa walikata rufaa mahakama kuu   ya Sumbawangambayo ilitengua  maamuzi ya mahama ya  wilaya na iliamuru wafugaji watatu Shigela Mayunga,Charles  Mtokambali  na  Kelenja  Makuja   warejeshewe  mifugo yao  pamoja na faini ya shilingi 500,000 walizokuwa wametozwa.

 Waziri Mpina alisema   amesikishwa na  kitendo cha uongozi wa pori la akiba kuridhika kuona ng'ombe wote hao wamekufa kwa magonjwa na wao ndio walio sababisha hali hiyo.

Waziri huyo pia  alitaka jua ni nikwanini  mifugo hiyo iliendelee kuwa ndani ya pori hilo wakati eneo hilo ni maaluumu kwa  wanyama wa porini wakati mifugo inasheria  zake.

Meneja wa  Pori la akiba Mhina alieleza  kuwa  waliendelea  kuishikilia  mifugo wakisubiri mahakama  kuu ya  kanda ya Sumbawanga itoe maamuzi kufuatia rufaa iliyokatwa na wafugaji hao.

 Alisema waliendelea kuishikilia kwakua walipewa maelekezo na mwanasheria wa  Serikali  waendelee  kuitunza  mifugo  hiyo kama sehemu ya  kielelezo cha  kesi  hiyo.

Baada ya maamuzi hayo ya waziri, Katibu  Mkuu  wa  Chama cha Wafugaji  Tanzania Makoye  Nkonosine aliiomba  Serikali iwapatie  mifugo ya  wafugaji  hao ambayo ilikuwa  hai na  ile  ambayo  imekufa wataendelea kudai.

Aidha alitaka  kufahamishwa  kwa kipindi  chote  hicho ni  ndama wangapi waliozaliwa kwani taarifa  iliyotolewa  hapo ya ng'ombe  1,332 kwa  kwa  muda  wote huo  mifugo hiyo pia iliweza kuzaa.

Nae  Afisa utafiti wa  magonjwa ya mifugo wa  Mikoa ya Katavi  na  Rukwa Protus Reshola  alisema kuwa   idadi hiyo ya ng'ombe  waliokufa ni kubwa na  imetokana  na  sababu mbalimbali kama ikiwemo ya watu walikuwa wakichunga mifugo hiyo  sio wafugaji.

Pia  alisema mifugo  hiyo  ilikufa  kwakuwa ilikuwa haitibiwi homa ya  mapafu  na kwenye  maeneo hayo  kulikuwa  hakuna josho pia kuchanganya  ng'ombe kutoka katika maeneo tofauti. 

Mwisho