Wasiojulikana wafanya mauaji

Na Gurian Adolf

Katavi

MKE wa mwenyekiti wa Chama  cha Wafugaji Mkoa wa  Katavi (CCWT) ameuawa kwakukatwa mapanga nakupigwa risasi tano kifuani akiwa nyumbani kwake na watoto wake wakiangalia televisheni. 

 Mwanamke huyo aliyefahamika kwa jina la Suzana Kabushi(40) Mkazi wa  Kitongoji  cha  Msikitini katika Kijiji cha  Kapanga wilayani Tanganyika mkoani humo.

Mume wa marehemu  huyo  Mussa Kabushi ambae ni Mwenyekiti wa  Chama  cha  Wafugaji wa mkoa wa  Katavi   alisema kuwa tukio hilo lilitokea jana majira ya 2:00 usiku  nyumbani kwa  marehemu.

Alisema siku ya tukio marehemu alikuwa nyumbani kwake akiwa na watoto wake wanne wakiangalia TV  mara  baada ya kuwa wamekula chakula cha usiku wakati Mussa Charles akiwa ameenda katika kitongoji cha Center  kwa ajili ya matembezi.

Wakati mwanamke huyo  akiendelea  kuangalia TV walitokea  watu  watatu wasiojulikana  na  kubisha  hodi kwenye nyumba yao ndipo  pasipo shaka aliweza kukalibisha akijua kuwa ni mume wake. 

 Kabushi  alieleza kuwa mara  baada ya kuwa wamekaribishwa alidhangaa kuona kuwa siyo mume wake bali ni watu  asiowafahamu ambapo watu hao walimuomba  marehemu  awapatie maji ya kunywa kwa kile  walichodai kuwa  wanajisikia kiu ya maji kwani  walikuwa wametembea kwa miguu kwa umbali  mrefu.

Suzana  ambae  alikuwa amemshikilia  mtoto wake wa kike  mwenye  umri wa miezi mitano  alilazimika kumulaza kwenye kiti mtoto  wake huyo na kisha kwenda kuwachukulia  maji ya kunywa  kwenye  mtungi na kuwapatia.

 Alisema mara  baada ya kuwa wamekunywa maji hayo watu  hawakumuuliza  chochote na ndipo walipompiga risasi tano kifuani na  kisha walikimbilia  kusiko julikana.

Majirani walifika eneo hilo baada ya muda  mfupi ndipo walipompigia  simu mume wa marehemu na kumueleza  kuhusiana na tukio Hilo kwa ndipo pia  walitoa taarifa kwa uongozi wa  Serikali ya Kijiji ambao walitoa taarifa kwa  jeshi la  Polisi.

Polisi mara  baada ya kufika  kwenye  eneo hilo na kufanya  ukaguzi waliweza kuokota  maganda  sita ya risasi za  bunduki  ya  SMG ambayo  ndio ilitumika  kufanya mauaji ya mwanamke  huyo.

Mganga  Mkuu wa  Hositali  ya Manispaa ya  Mpanda   Theopista   Elias  alisema mwili wa marehemu  huyo umehifadhi katika  chumba  cha kuhifadhi  maiti na  mara  baada ya uchunguzi wa kidaktari watakabidhiwa  ndugu wa marehemu kwa ajiri ya mazishi .

Kamanda wa  Polisi wa mkoa wa  Katavi Damas  Nyanda alithibitisha kutokea kwa mauaji  hayo na polisi wanaendelea  na  msako kwalengo la kuwatafuta waliohusika  na  mauaji hayo.

Mwisho