Mwanakwaya aanguka kanisani na kufariki

Na Walter Mguluchuma

Katavi

MWANAMKE aliyefahamika kwa jina la Beatrice Kangu(48)Mkazi wa  Mtaa wa   Makanyagio  Manispaa ya  Mpanda  Mkoa wa   Katavi  amefariki  Dunia  ghafla muda  mfupi  baada ya kutoa   sadaka ya shukrani akiwa anasali ibada katika Kigango cha   Makanyagio B mjini humo

Tukio  la  kifo hicho cha  mwanamke  ambae alikuwa ni muumini wa   dhahebu  la  Romani  Catoliki lilitokea  hapo Julai 30 majira ya saa moja  na  nusu   asubuhi  katika  Mtaa wa   Makanyagio wakati wa ibada. 

Kwamujibu wa makamu  Mwenyekiti wa  Kigango  hicho  Charles  Kanyanda   alieleza  kuwa  siku  hiyo  Kangu  alifika  kwenye  ibada kwenye  kigangoni hapo kama   ambavyo  walivyofika  siku  hiyo  waumini  wengine kwa  ajiri ya  kusali.

Alisema  baada ya  kufika   alikwenda  kujiunga  na  wanakwaya  wenzake wa  kwaya ya  Kigango cha   Makanyagio   ambapo  nae   alikuwa  ni  miongoni  mwa  waimbaji wa  kwaya kwenye  ibada hiyo iliyokuwa  ikiongozwa  na  Katikisita wa  Kigango  hicho  Agustino   Ntalwila.

Ibada hiyo  iliendelea  kama  kawaida  na  ndipo  ilipofikia  muda wa kutoa  sadaka ambapi alikwenda kutoa  sadaka  kama  kawaida  na  kisha  kurudi  kwenye  kwaya na kuendelea  kuimba.

Baada ya  mahubiri ya  Katekista   Ntalwila  ilifuata   utoaji   sadaka ya  shukurani  na  ndipo  mwanakwaya huyo  alipoinuka  alipokuwa   amekaa na  kwenda  kutoa  sadaka ya   shukurani  na  baada ya kutowa sadaka   hiyo   alianguka   chini  ghafla.

  Wanakwaya  wenzake  walijaribu  kumpa  msaada hata  hivyo   hali  yake  iliendelea kuwa   mbaya  na  alifariki   dunia   baada  ya  muda   si  mrefu  na kuacha simanzi kubwa kwa  waumini wa kigango  hicho.

Kanyanda   alisema  mazishi ya  marehemu  huyo yalifanyika  jana  katika   makaburi ya  Mwanga  na   misa ya  mazishi  iliongozwa na   Paroko wa  Kanisa  Katoliki   Parokia ya   Maria   Imakulata  Monsinyori  Padri   George   Kisapa.

Mwisho