Mgomo wabajaji wazua kizaa zaa

Na Walter Mguluchuma

Katavi

WAKAZI mjini Mpanda mkoani Katavi wanakabiliwa na adha kubwa ya usafiri wa kufika maeneo mbalimbali baada ya wamiliki  na madreva  wa bajaji kuamua kufanya  mgomo kwa muda usiofahamika kwalengo la kuishinikiza mamlaka ya usafirishaji wa nchi kavu na majini SUMATRA  iondoe marufuku iliyoweka ya  kupiga marufuku  bajaji  zote   kufanya  safari kwa  kupitia  barabara kuu za mjini humo. 

Mwenyekiti wa  waendesha  Bajaji mjini humo Rashid Juma  alisema  wameamua  kusitisha  kutoa huduma  ya  usafiri  katika Manispaa ya  Mpanda  na  nje  ya mji huo baada ya SUMATRA  kupiga  marufuku   bajaji zote  kufanya   safari  zake  kwa  kutumia  barabara kuu  zilizopo  katika  mji huo .

Alisema wameamua  kusitisha  huduma  za usafiri kuanzia jana Agosti   7  ingawa   SUMATRA  lIkuwa   imepatoa  agizo  hilo lianze  kutekelezeka Agosti  8 hivyo  wamesitisha  huduma  hiyo  sio kwenye barabara kuu tu bali n'a maeneo  yote  hata  yale  ya  barabara  ndogo  mpaka  hapo  itakapo waruhusu kutumia  barabara kuu.

  Mwenyekiti  huyo  alieleza  kitendo cha  kuwazuia kufanya  safari  kupitia  kwenye  barabara kuu  kutawafanya wakose  mapato  na  kusabisha  kushindwa  kulipa  mapato   kwenye  Mamlaka ya mapato  hali  ambayo  itawa kuwafanya  madreva hao kujiingiza  kwenye   maswala ya  uhalifu kutokana na kukabiliwa na ugumu wa maisha. 

Naye mwenyekiti wa  wasafirishaji  ambae  pia  ni  Mwenyekiti wa   Kamati ya  usalama   barabarani wa  Mkoa wa   Katavi  Nassor   Arfi  alisema  amepata   taarifa  za  kusimamishwa  kwa  huduma   za usafiri  wa  bajaji kupita  kwenye   barabara kuu  za   Mpanda  Kigoma ,  Mpanda  Sumbawanga   na   Mpanda  Tabora  na  amefanya  mawasiliano na  Mkuu wa  Mkoa  wa  Katavi   ambae   amemwahidi  kumpatia  majibu   baada ya kuwa   amefanya  mawasiliano  na  viongozi wa  SUMATRA.

Arfi  alisema  mkoa   wa  Katavi  hauna njia  nyingine   mbadala  za kuwafanya  madreva wa  bajaji kutumia  hivyo ni  vema   SUMATRA  wakatumia  busara ya kawaida kwenye   swala  hilo  kulingana  na  mazingira  yalivyo kwa sasa   katika  Manispaa ya Mpanda hasa wakizingatia kuwa mji huo bado ni mdogo na hauna msongamano wa vyombo vya usafiri kama miji mingine mikubwa. 

Kwaupande wake meneja  wa  SUMATRA  Mkoa  wa  Katavi   Amani  Mwakalebela  alieleza  kuwa  nchi ya Tanzania  inaendeshwa kwa   kanuni  na  sheria  na  wao  Sumatra  wanafanya   kazi kwa   msingi  wa sheria na   kanuni  na mamlaka hiyo imetumia  kifungu  cha18  cha  sheria  za  usalama  barabarani  kuzizuia    bajaji  kupita  kwenye  barabara kuu.

Alisema pia  wameangalia  hali ya   usalama  kwa  sasa   baada ya   barabara kuu   kuwa  za  kiwango  cha   lami  kumefanya   usalama  kwa  sasa   sio  salama  kwa  bajaji  kwa  hivyo   msimamo wa  SUMATRA  Mkoa wa  Katavi   ni   bajaji  zote  kupita  kwenye  barabara  ndogo  na  sio  barabara kuu.

Mmoja wa wakazi wa mji huo Aglipina  Petro  alisema  kuwa ameshindwa  leo  kumpeleka   mgonjwa  wake  hospitali  baada  ya  kukosa  huduma  ya  usafiri  wa  bajaji huku wanafunzi na watumishi mbalimbali wakionekana kushindwa kuwahi shuleni na Katika maeneo yao ya kazi kwakua wengi wao wanatumia usafiri huo.

Mwisho