Afariki dunia katika ajali ya basi

Na Walter Mguluchuma

Katavi

Mtu mmoja  amekufa  hapo  hapo  na   wengine   13  kujeruhiwa na  kulazwa   katika hospitalini  ya wilaya ya Mpanda mkoani Katavu baada  ya basi  walilokuwa  wakisafirilia kuacha  njia  na  kupinduka kutokana na mwendo  kasi ambao  dreva alikua akiendesha.

Kamanda  wa  Polisi wa   Mkoa  wa  Katavi Damas   Nyanda   alisema  ajali   hiyo   ilitokea jana  majira ya  saa 5:30 katika  Kijiji  cha  Ikondamoyo  Tarafa ya  Nsimbo  Wilaya  ya  Mpanda  barabara ya  Tabora  kwenda   Mpanda   Mkoani   Katavi.

Alimtaja  marehemu aliyefariki  kuwa  ni Paulo  Mussa (37) Mkazi  wa  Wilaya ya  Meatu  Mkoani Shinyanga alifariki  hapo  hapo baada ya  ajari  hiyo kutokea.

Kamanda  Nyanda alisema  kuwa ajari  hiyo  ililihusisha  basi  la  Kampuni ya   ALLYS,S   lenye  Namba  za  usajiri   T473 CCC aina ya  Scania  lililokuwa likiendeshwa  na  Dreva  anaeitwa  Jushua   Bebedictor(45)mbaye  alikimbia  baada ya   ajali  hiyo.

Alieleza  mara  baada ya  ajari  hiyo  majeruhi  wote  13  walichukuliwa  na  kukimbizwa  katika  Hospitali ya  Manispaa ya  Mpanda  ambako  wanaendelea  kupatiwa   matibabu  huku    majeruhi  wanne  hari  zao   zikiwa  si nzuri.

Kamanda  NYanda   alisema  kuwa chanzo  cha   ajari  hiyo kilisababishwa  na  mwendo  kasi wa   dreva ambae   gari  lilimshinda  kukata  kukona    kutokana na kuwa  kwenye  mwendo  kasi na   kuacha   njia na  kisha  kupinduka.

Baada ya    dreva  kukimbia  jeshi la  polisi  lilifanya   msako wa  kumsaka   na   waliweza kufanikiwa   kumkamata na  mpaka  sasa   wanaendelea  kumshikilia  kwa  mahojiano  zaidi  na  mara  uchunguzi   utakapo kuwa   umekamilika atafikishwa   mahakamani  ili  akujibu  mashitaka   yanayomkabili.

Kamanda  Nyanda   ametowa  wito kwa   madereva  kuacha  tabia ya  kuendesha   magari  kwa  mwendo  kasi  na kuwataka   wazingatie  sheria  za   usalama barabarani.

Mwisho