Walter reeds yakabidhi gari kwa halmashauri ya wilaya ya Sumbawanga

Na Gurian Adolf

Sumbawanga

WAKAZI wilayani Sumbawanga mkoani Rukwa wameshauriwa kulipa kodi kwa wakati na bila mizengwe ilikuiwezesha serikali kupata mapato ambayo itayatumia katika bajeti hali ambayo itaisaidia nchi kuacha kutegemea misaada kwa kiasi kikubwa  kutoka kwa wahisani.

Dkt Joseph Chintowa akimkabidhi funguo ya gari mwenyekiti wa halmashauri ya wilaya ya Sumbawanga Kaloro Ntila.

Hayo yameelezwa Jana na Dkt Joseph Chintowa,mkurugenzi wa ufundi wa shirika lisilo la kiserikali la  walter reed wakati akikabidhi gari aina ya Toyota Lendruiser lenye thamani ya shilingi milioni 150, kwa halmashauri ya wilaya ya Sumbawanga ambalo litatumika katika miradi inayohusu masuala ya ukimwi katika wilaya hiyo.

Watumishi wa halmashauri ya wilaya ya Sumbawanga wakifurahia gari lililotolewa msaada na Walter reeds

Alisema kuwa hivi sasa wafadhiri wameanza kupunguza misaada  katika maeneo mbalimbali hali ambayo inatoa tahadhari kuwa wananchi wanapaswa kulipa kodi ili tujitegemee badala ya kuwaza ufadhili kutoka kwa wahisani.

• Dkt Chintowa alisema kuwa shirika hilo limekabidhi gari hilo ambalo  limetokana na msaada kutoka kwa walipakodi wa Marekani,hivyo nijukumu la wananchi sasa kulipa kodi ambapo serikali itapata  fedha na kugharamia miradi yake badala ya kutegemea ufadhili ambao umekua ukipungua siku hadi siku.

Gari aina ya Landcruser iliyotolewa msaada na Walter reeds kwa halmashauri ya wilaya ya Sumbawanga

Alisema kuwa serikali ya awamu ya tano inajituma sana katika kukusanya mapato hivyo basi hatuna budi kuiunga mkono kwa kulipa kodi kwa wakati ambapo utapata fedha hizo na kugharamia miradi sambamba na kuanzisha miradi mipya kwani huu sasa ni wakati wa kujitegemea.

Naye mganga Mkuu wa mkoa wa Rukwa Bonifas Kasululu alisema kuwa analishukuru shirika hilo kwani zimekuwa ni msaada mkubwa sana na zimekuwa likitoa msaada mingi  ambayo zimekuwa ikitumika katika miradi ya ukimwi katika mkoa huo.

Mwenyekiti wa halmashauri ya Sumbawanga Karolo Ntila akionesha funguo ya gari aliyokabidhiwa na afisa ufundi wa Walter reeds Dkt Chintowa

Alisema kuwa hivi karibuni  shirika la Walter reed litaleta mashine  maalumu katika mkoa wa Rukwa ambayo itatumika  kupima kiwango cha virusi vya ukimwi kwa mtu  anayeishi na virusi hivyo ambayo inagharimu shilingi bilioni moja ambayo itasaidia katika kujua kunamafanikio kwa kiasi gani katika mapambano ya dhidi ya virusi hivyo.

Alisema kuwa mashine  kama hiyo ipo  katika mkoa wa Mbeya ambapo vipimo kutoka mkoani Rukwa hulazimika kupelekwa huko lakini ikiwepo  mkoani hapa na kuwekwa katika hospitali ya mkoa ya Sumbawanga itapungiza adha  za kusafirisha vipimo mpaka kwenye mkoa wa Mbeya badala yake vitakuwa vikifanyika mkoani humo.

Kwa upande wake mwenyekiti wa halmashauri ya wilaya ya Sumbawanga Karolo Ntila alilishukuru shirika hilo kwa msaada huo wa gari na kuwasihi wasichoke kuikumbuka halmashauri hiyo kwa vitendea Kazi pamoja na mafunzo kwa wataalamu ili wananchi waweze kupata huduma bora na za kisasa.

Dkt Chintowa akionesha funguo  ya land cruiser aliyoikabidhi halmashauri ya wilaya ya Sumbawanga

Aidha mwenyekiti huyo  alimuagiza kaimu mkurugenzi wa halmashauri hiyo Deogratius Kangu  kuhakikisha kuwa halmashauri inaheshimu msaada yote ya wahisani na si kuitumia  katika shughuli tofauti na majengo kwani wahisani wanapogundua kuwa vitu walivyotoa vinatumika tofauti na matarajio yao huwa hawapendi.

Alisema kuwa haya yeye binafsi hata kuwa tayari kuona gari hilo likitumika kwa shughuli tofauti na iliyotarajiwa kwani halmashauri inamagari yake na hata kama ni mabovu ni bora wayatengeneze kwanza kuliko kulichukua gari hilo na kulitumia katika shughuli tofauti na lililotolewa.

Hata hivyo Ntila aliwaasa wananchi kuendelea kujitokeza kwaajili ya kupima afya zao ili waweze kupatiwa matibabu kwani serikali inatoa bure dawa  za kufubaza Makari ya virusi vya ukimwi hivyo ni jukumu la kila mkazi wa halmashauri hiyo kuchukua hatua na si kusubiri mpaka augue  sana.

Mwisho