Madiwani katavi wampa tano rais Magufuli

Na Walter Mguluchuma

Katavi

Madiwani  wa Manispaa ya Mpanda  Mkoani Katavi  kwa kauli moja  wametoa tamko la kumpongeza  Rais  John  Magufuli  kwa hatua madhubuti anazochukua  za kuhakikisha  Watanzania  wanafaidika  na kunufaika  na  rasilimali zilizopo  za nchi yao.

Pongezi  hizo za   Madiwani   wote 21  wanaounda   Baraza  la  Madiwani wa  Manispaa ya   Mpanda walizilitoa  wakati walipokuwa katika kikao chao cha baraza.

 Akitoa   tamko la  pongezi hizo   Meya wa Manispaa hiyo Willy  Mbogo   alisema  Madiwani   wote  kwa kauli moja  wanampongeza  sana  Rais  John  Magufuli  kwa  hatua muhimu  na za  kijasiri   anazochukua  za kuhakikisha   Watanzania   wananufaika  na kufaidika  na rasilamali  walizopatiwa namwenyezi  Mungu   na  wanamuunga  mkono kwa  asilimia  mia moja.

 Alisema   ujasiri,uthubutu  na  utayari  aliouonesha   Rais  Magufuli  kwa  faida ya Watanzania  ni wakiwango   cha juu  kwa binadamu wa  kawaida  na wanaipongeza  pia  kamati zote  mbili   zilizoibua   mambo  mengi   ambayo  Watanzania walikuwa   hawayafahamu.

  Wanashangaa  na kulaani  vikali  kwa  mtu  yoyote  ambaye  atatumwa  na kuhongwa na  Mabeberu ili  adhoofishe  vita  hii ya kiuchumi   huyo ni  msaliti   wa  Taifa  letu  na   anapaswa kulaniwa  na kuzomewa na  Watanzania wote .

Mbogo  alieleza  kuwa  tutambue  juhudi hizi  za Rais    wetu   mwisho wake  ni  faida   kubwa  kwetu  sote  Watanzania ,Serikali  yetu  na   Halmashauri   zetu  kwani  Nchi  itaongeza  mapato yake .

  Aliwaomba   Wabunge  wote  waondoe itikadi zao za  vyama  na  wawe  pamoja  kwenye  vita hii na  kila  wakati  kwenye jambo  lolote    ambalo   lenye masilahi kwa  Taifa ..

 Alifafanua  kuwa jambo   kama  linamaslahi  ya  Taifa   hata  kama  linasemwa   na   mtu  wa  mpinzani  liungwe  mkono  na  kama  linasemwa  na    mtu wa  chama  tawala   lenye  maslahi ya   Taifa   basi liungwe  mkono  na  hata  wapinzani.

Aidha   Madiwani   wanawalani    vikali  sana  wale  wote   ambao  wamekuwa  wakituibia  na kupola   mapato ya  Watanzania  kupitia  rasilimali za   madini  yetu .

Diwani wa  Kata  ya  Makanyagio   Haidari  Sumry  alisema   juhudi   hizo   zinazofanywa  na  Rais ni  mkombozi kwa  Halmashauri  zote  hapa   nchini  kwani     zitaongeza  kipato   chao .

Naye  Diwani wa  Viti  maalumu   Jojina  Kisalala aiwataka   wanawake   wote  wamuunge  mkono   Rais  wetu  kwa kuibua   mambo  mengine  mengi  ambayo  bado  yamefichika.

 Alisema   Magufuli  ameweka   historia  kwa kuthibiti  rasilimali za  Nchi  ambazo  zilikuwa   zikitoroshwa  nje ya  Nchi na  kuikosesha  Serikali yetu  mapato.

  Mwisho