Mwanafunzi abakwa na kisha kuuawa

Na Walter Mguluchuma

Katavi

MWANAFUNZI wa darasa  la  sita  Shule ya  Msingi  Kapanga  Kata ya  Katuma  Tarafa ya  Mwese Wilaya ya  Tanganyika Veronica   Lucas (13)  amekutwa  akiwa  amekufa baada ya kubakwa   hadi  kufa  na   watu  wasio  julikana   na kisha mwili wake kutupiwa  kwenye   shimo korongo.

Akitoa taarifa ya tukio hilo Kaimu  Kamanda wa  Polisi wa  Mkoa wa  Katavi  Benedict  Mapujila  alisema kuwa tukio  hilo  la  lilitokea  juzi  majira ya  saa  kumi na  moja  na  nusu  jioni   Kijijini  humo.

Alisema  siku ya  tukio  hilo Veronica  aliondoka nyumbani  kwao  kama kawaida yake na  kwenda  shule  kwa  ajiri ya  masomo   katika   shule  ya  Msingi  aliyokuwa  akisoma ya  Kapanga.

Kaimu  Kamanda wa  Polisi wa  Mkoa wa  Katavi   Mapujila   alieleza  kuwa  marehemu baada ya kuwa  amekewenda  shuleni  hakuweza  kurudi  tena  nyumbani kwao   hali  ambayo  iliwafanya wazazi wake  wapate  shaka  kwani  marehemu  hakuwa na tabia ya  kutorudi nyumbani  kwao.

  Siku  iliyofuata  wazazi wake  na  marehemu walikwenda kufuatilia  shuleni na  hawakuweza  kumkuta hali  ambayo ilizidi kuwatia  wasiwasi  zaidi  na   waliamua  kwenda kutoa taarifa   kwenye  uongozi wa  Kijiji  hicho.

Viongozi wa   Kijiji  pamoja  na  wananchi wa  Kijiji  hicho waliamua  kuanza  kumtafuta  mwanafunzi huyo kwenye  maeneo   mbalimbali ya   Kijiji  hicho  kwa  muda  wa  kutwa  nzima   pasipo  kukata  tamaa.

 Kaimu  Kamanda   alisema  ndipo ilipofikia  saa kumi na  moja  na  nusu za jioni  waliweza  kuukuta mwili wa Veronica   ukiwa  umetupwa  kwenye  shimo  la   korongo  huku  akiwa  amekufa   baada ya  kubakwa na watu wasio  julkana  na  sehemu zake za  siri  zikiwa   zimeharibika   vibaya .

Alisema   chanzo cha kifo cha  mwanafunzi  huyo  kilitokana  na  kubakwa   na  kisha  kuvuja  damu  nyingi   na  kupelekea  kifo  hicho  cha kinyama  na  cha  kikatilli  na chakusikitisha pia.

Kaimu   Kamanda   Mapujila  alisema mpaka  sasa hakuna  mtu  wala  watu waliokamatwa  kuhusiana  na  tukio hilo  na  jeshi la  Polisi  linaendelea  na   msako wa  kuwasaka  watu waliohusika  na  tukio  hilo.

Mwili wa  marehemu baada ya  kufanyiwa uchunguzi wa  kidaktari  walikabidhiwa  ndugu zake kwaajiri ya  mazishi ambayo yalifanyika  kijijini hapo  siku  iliyofuata.

Mwisho