Kipindu pindu chaua mtoto

Na Gurian Adolf

Kalambo

MTOTO Lina Protas(5) amefariki dunia baada ya kuugua ugonjwa wa kipindupindu uliolipuka katika  kijiji na kata ya Samazi   Mwambao  wa  ziwa   Tanganyika  wilaya  ya  Kalambo  mkoani   Rukwa huku wengine 16 wakiwa   wamelazwa kwenye  zahanati  ya  kijiji hicho.

Akizungumza na gazeti hili  ofisni  kwake afisa tarafa ya Kasanga wilayani humo   Peter  Mankambila alisema kuwa chanzo cha  ugonjwa  huo kimetokana na wavuvi   waliokuwa wametokea katika  kijiji  cha  Mpasa  kilichopo  wilaya ya  jirani  ya Nkasi, ambao walifika   kijijini  hapo kwa  shughuri  za  uvuvi na  kuwambukiza  wengine.

Amesema ugonjwa huo  uligundulika  Juni 16,2017 na  kuwa mpaka  sasa watu 16 wamelazwa kwenye  zahanati  ya  kijiji hicho  kwa  matibabu  zaidi.

Kwa upande wake Afisa afya wa  wilaya hiyo Andondile  Mwakilima  ambaye  licha  ya   kukiri  kuwepo kwa ugonjwa huo alisema kuwa mpaka sasa watu wanane wameruhusiwa   kurudi  nyumbani huku wengine 8 zaidi wakiendelea  kupatiwa matibabu zaidi  na  kuwa  mpaka sasa wanaendelea  kuhamasisha  jamii  kuchimba  vyoo vya kudumu kwa lengo la  kujiepusha   na  ugonjwa  huo.

Akitoa hamasa katika suala mzima la  kujikinga na mgonjwa huo Mkuu wa wilaya ya Kalambo Julieth Binyura aliwasihi wakazi wa mwambao wa ziwa hilo  kutumia  maji  safi  na  salama kwa lengo la kujiepusha na  ugonjwa   huo.

Mwisho