Makamu wa Rais Zanzibar amuunga mkono Membe

nShare

‪Makamu wa Pili wa Rais wa Zanzibar, Balozi Seif Ali Iddi.‬ 

 

Dar es Salaam. Makamu wa Pili wa Rais wa Zanzibar, Balozi Seif Ali Iddi amesema atakuwa bega kwa bega na Waziri wa Mambo ya Nje na Ushirikiano wa Kimataifa, Bernard Membe katika mbio zake za kuwania urais.

Membe, ambaye amekuwa akizungumzia kutangaza nia kuwania urais kama “kusubiri kuoteshwa”, ameshasema siku ikifika atachukua fomu lakini anatarajia kutangaza rasmi mpango wake jimboni kwake Mtama, sasa anaungwa mkono na mmoja kati ya viongozi wa juu wa Serikali na CCM kutoka Zanzibar ambayo ina nafasi ya pekee katika kuamua mgombea urais wa chama hicho.

Balozi Iddi ambaye amewahi kuwa Naibu Waziri wa Mambo ya Nje tangu mwaka 2006, alitoa msimamo huo wa kwanza kwa kiongozi wa juu wa Serikali jana jijini Dar es Salaam wakati akifunga mkutano wa siku tatu wa mabalozi wa Tanzania katika nchi mbalimbali, akimwakilisha Rais wa Zanzibar, Dk Ali Mohamed Shein aliyeshindwa kuhudhuria kutokana na msiba wa dada yake.

“Namtakia Membe safari njema na ninamuahidi kuwa tutakuwa naye bega kwa bega katika safari hii ngumu kwake,” alisema Balozi Idi bila ya kutaja neno urais.

Kauli ya makamu huyo wa Rais ilikuja baada ya Membe, ambaye amesema wakati ukifika atachukua fomu za kugombea urais, kuwaaga mabaozi hao kabla ya kumkaribisha mgeni huyo rasmi.

Katika hotuba yake ya mwisho kwa mabalozi hao, Membe aliweka wazi kuwa hatarudi tena bungeni akiwa waziri baada ya kuongoza wizara hiyo kwa takriban miaka minane.

Alirejea kauli yake ambayo amekuwa akiitoa mara kwa mara kuwa ameamua kuondoka wizarani hapo ili kujaribu nafasi kubwa zaidi katika siasa na kuwakaribisha bungeni mjini Dodoma ili wasikilize hotuba ya bajeti yake ya mwisho.

“Njooni msikilize bajeti yangu ya mwisho kama waziri kwani sitarajii tena kuingia bungeni kama waziri labda kwa nafasi nyingine ambayo ni ngumu sana,” alisema Membe akiwaaga mabalozi 36.

Waziri huyo pia alitumia nafasi hiyo kuwaomba mabalozi hao kuitangaza Tanzania nje, huku akitahadharisha kuhusu mabadiliko ya kisiasa yanayoendelea kutokea katika baadhi ya mataifa barani Afrika.

Alisema nchini Madagascar, Bunge limepiga kura ya kutokuwa na imani na rais na kuilazimu Mahakama ya Katiba kufanya uamuzi kuhusu suala hilo.

“Rais (Hery) Rajaonarimampianina amepigiwa kura 121 kati ya 125. Sitarajii kama kama Mahakama itaamua tofauti na matakwa ya Bunge. Hukumu inatarajiwa kutolewa leo (jana) baada ya kura hizo kupigwa jana (juzi),” alisema Waziri Membe.

Pamoja na kumuunga mkono Membe, Balozi Iddi aliwataka mabalozi hao kutumia vyema nafasi walizonazo katika kuitangaza Tanzania ili nchi inufaike na fursa za kiuchumi zilizopo huko walipo.

NHIF WAZINDUA MPANGO WA HUDUMA ZA MADAKTARI BINGWA MANYARA.

 Meneja wa NHIF Mkoa wa Manyara, Innocent Mauki akiwakaribisha viongozi wa NHIF makao makuu na uongozi wa Mkoa wa Manyara, kwenye uzinduzi wa mpango wa huduma za madaktari bingwa Mkoani Manyara. 



Baadhi ya wakazi wa Wilaya ya Babati Mkoani Manyara, wakishuhudia Mkuu wa Mkoa wa Manyara, Dk Joel Nkaya akizindua mpango wa huduma za madaktari bingwa mkoani humo, zilizowezeshwa na NHIF



 Mkuu wa Mkoa wa Manyara, Dk Joel Nkaya Bendera akizungumza asubhi ya leo kwa kuwa mkoa huo kujiunga na mfuko wa afya ya jamii (CHF) kwenye uzinduzi wa mpango wa huduma za madaktari bingwa mkoani Manyara uliowezeshwa na NHIF.



 Mkuu wa Mkoa wa Mkoa wa Manyara, Dk Joel Nkaya Bendera (kushoto) akimkabidhi Mganga Mkuu wa Mkoa wa Manyara, Dk Ally Uredi vifaa tiba na dawa zilizotolewa na Mfuko wa Taifa wa Bima ya Afya, (NHIF) ambazo gharama zake ni shilingi milioni 5.5.

Jk awaapisha wateule wake

RAIS KIKWETE AWAAPISHA KATIBU MKUU, NAIBU KATIBU MKUU WA MAMBO YA NJE NA BALOZI WA TANZANIA SAUDIA

Rais wa Jamhuri ya Muungano wa Tanzania, Mhe. Jakaya Mrisho Kikwete akimwapisha  Balozi Liberata Mulamula kuwa Katibu Mkuu wa Wizara ya Mambo ya Nje na Ushirikiano wa Kimataifa. Balozi Mulamula anakuwa Katibu Mkuu wa kwanza mwanamke kuongoza Wizara hiyo na kabla ya uteuzi huo alikuwa Balozi wa Tanzania nchini Marekani. Hafla hiyo fupi ya uapisho imefanyika Ikulu tarehe 27 Mei, 2015.




Rais wa Jamhuri ya Muungano wa Tanzania, Mhe. Jakaya Mrisho Kikwete akimwapisha Balozi Hassan Simba Yahya  kuwa Naibu Katibu Mkuu wa Wizara ya Mambo ya Nje na Ushirikiano wa Kimataifa. Kabla ya uteuzi huo Balozi Yahya alikuwa Mkurugenzi wa Idara ya Mashariki ya Kati katika Wizara ya Mambo ya Nje na Ushirikiano wa Kimataifa. Hafla hiyo fupi ya uapisho imefanyika Ikulu tarehe 27 Mei, 2015.






Rais wa Jamhuri ya Muungano wa Tanzania, Mhe. Jakaya Mrisho Kikwete
akimwapisha, Mhe. Hemed Iddi Mgaza kuwa Balozi  wa Tanzania nchini Saudi
Arabia. Kabla ya uteuzi huo Balozi Mgaza alikuwa Afisa Mambo ya Nje
Mkuu  na Mkuu wa Utawala katika Ubalozi wa Tanzania, Jamhuri ya
Kidemokrasia ya Congo (DRC). Hafla hiyo fupi ya uapisho imefanyika Ikulu
tarehe 27 Mei, 2015.

MAADHIMISHO YA WIKI YA UKOMBOZI BARA LA AFRIKA,WANAWAKE WAELEZA NAMNA WALIVYOSHIRIKI KATIKA UKUMBOZI

 Mwenyekiti wa Bodi ya AICC na Mgeni Rasmi wa Maadhimisho ya wiki ya Ukombozi wa Bara la Afrika, Balozi Christopher Liundi akikata utepe katika maadhimisho hayo ikiwa leo ni siku ya Kuona Mchango wa Wanawake katika Ukombozi wa Bara la Afrika, maadhimisho hayo yamefanyika katika ukumbi wa Makumbusho ya Taifa jijini Dar es Salaam.



Profesa Ruth Meene akizungumza na baadhi ya wanafunzi na watu wengine waliohudhuria (hawapo pichani) ili kujua mchango wa wanawake katika ukombozi wa Bara la Afrika, wanawake hao ambao wamesaidia zaidi ni Mke wa Rais wa Mozambiq,Jocina Machel,Bi Ndaitwa wa Namibia,Winnie Mandela wa Afrika Kusini,Albetina Kisulu,Elizabeth Sebeko,Mariam Makeba wote wa Afrika kusini  na hapa nchini ni Bibi Titi Mohamed,Lucy Maulid na Sophia Kawawa ambao walikuwa wakihamasisha wananchi Kisiasa katika kulikomboa Bara la Afrika.





 Wanafunzi wa Shule ya Sekondari ya Victoria waliohudhuria katika Mkutano wa kujua jinsi wanawake walivyoshiriki katika kulikomboa Bara la Afrika, katika Mkutano uliofanyika Makumbusho ya Taifa jijiji Dar es Salaam leo.



 Wanafunzi wa Shule ya Sekondari ya Victoria wakionekana jinsi wanavyofuatilia mkutano wa Mkutano wa kujua jinsi wanawake walivyoshiriki katikakulikomboa Bara la Afrika, katika mkutano uliofanyika katika Makumbusho ya Taifa jijiji Dar es Salaam leo.



 Mwenyekiti wa Bodi ya AICC na Mgeni Rasmi wa Maadhimisho ya wiki ya Ukombozi wa Bara la Afrika, Balozi Christopher Liundi akizungumza leo na waandishi wa habari mara baada ya kutoka katika kumbi zenye  picha na vitu mbalimbali ndani ya jengo la Makumbusho ya Taifa vinavyoonyesha kumbukumbu ya matukio mbalimbali yalivyowahi kutokea hapa nchini

Rais Kikwete afungua Mkutano Mkuu wa Chama Cha Waalimu Tanzania (CWT)

 

Rais Dkt.Jakaya Mrisho Kikwete akitoa hotuba yake ya ufunguzi wa Mkutano mkuu wa Chama Cha Waalimu TANZANIA( CWT) uliofanyika katika hoteli ya Ngurdoto nje kidogo ya mji wa Arusha jana.Wakati wa mkutano huo wanachama wa CWT ulitarajia kuwachagua viongozi wapya wa chama Hicho.Akizungumza katika  mkutano huo Rais Kikwete ameahidi kutatua changamoto moto mbalimbali zinazowakabili waalimu nchini(picha na Freddy Maro).

AUSTRALIA YAIPIGA ‘JEKI’ VETA

MAMLAKA ya Elimu na Mafunzo ya Ufundi Stadi (VETA)imeanzisha mfumo wa mafunzo stadi katika sekta ya madini na gesi ambao utasaidia watu wanaohitimu katika mafunzo hayo duniani.




Hayo ameyasema leo Mkurugenzi Mkuu wa VETA,Mhandisi Zebadiah Moshi wakati wakisaini makubaliano na serikali ya Australia kuptia shirika la Idara ya Mambo ya Nje na Biashara (DFAT)iliyofanyika katika Hoteli ya Hyatt Regency,jijini Dar es Salaam.


Amesema katika makubaliano hayo,Serikali ya Australia imekubali kutoa Sh.milioni 330  kwa ajili mfumo huo ambao utatengenezwa na wataalam wa nchi hiyo.




Mhandisi Moshi amesema manufaa ya mfumo huo kwa VETA kuimarisha ushirikiano na viwanda au waajiri mbalimbali, kulenga kutoa mafunzo ambayo yanaendana na mahitaji ya soko la ajira,uboreshaji wa viwango vya mafunzo yanayotolewa na viwanda,kuipunguzia mzigo serikali katika kuilea VETA kwa kuchangia gharama za mafunzo kwa njia ya vifaa au kutoa wataalam wa kufundisha.




Naibu Katibu Mkuu wa Wizara ya Elimu na Mafunzo ya Ufundi,Consolata Mgimba akizungumza na waandishi habari katika hafla ya kusaini makubaliano kati ya Mamlaka ya Elimu na Mafunzo Stadi (VETA),iliyofanyika leo katika Hoteli ya Hyatt Regency,jijini Dar es Salaam.

KIKAO CHA MAAFISA WAANDAMIZI WA JESHI LA MAGEREZA NCHINI CHAANZA LEO MKOANI MOROGORO

  Katibu Mkuu Wizara ya Mambo ya Ndani ya Nchi, Mbarak Abdulwakil akitoa
hotuba ya ufunguzi leo Mei 26, 2015 kwenye Kikao cha Maafisa Waandamizi
wa Jeshi la Magereza nchini kinachofanyika katika Ukumbi wa Hoteli ya
Edema, Mkoani Morogoro.



  Wajumbe wa Kikao ambao ni  Maafisa Waandamizi wa Jeshi la Magereza
nchiniwa kifuatilia kwa makini hotuba ya Mgeni rasmi, Katibu Mkuu
Wizara ya Mambo ya Ndani ya Nchi, Mbarak Abdulwakil(wa kwanza kushoto)
ni Mkuu wa Magereza Mkoa wa Dar es Salaam, Kamishna Msaidizi wa Magereza
Joel Bukuku.



  Mshauri Mwelekezi katika Maboresho ndani ya Jeshi la Magereza Nchini,
Dkt. Haji Semboja kutoka Chuo Kikuu cha Dar es Salaam akiwasilisha Mada
ya Maboresho ndani ya Jeshi la Magereza kwa Maafisa Waandamizi wa Jeshi
la Magereza nchini.



 Kamishna Jenerali wa Jeshi la Magereza nchini, John Casmir
Minja(kushoto) akiteta jambo na Katibu Mkuu Wizara ya Mambo ya Ndani ya
Nchi, Mbarak Abdulwakil kwenye kikao  cha Maafisa Waandamizi wa Jeshi la
Magereza nchini kinachofanyika katika Ukumbi wa Hoteli ya Edema, Mkoani
Morogoro.



Katibu Mkuu Wizara ya Mambo ya Ndani ya Nchi, Mbarak Abdulwakil(shati
jeupe) akiwa kwenye picha ya pamoja na Maafisa Waandamizi wa Jeshi la
Magereza nchini waliosimama nyuma(wa sita kushoto) ni Kamishna Jenerali
wa Jeshi la Magereza nchini, John Casmir Minja(wa tano kushoto) ni
Kamishna wa Fedha na Utawala wa Magereza, Gaston Sanga(wa tatu kulia) ni
Kamanda wa Polisi Mkoa wa Morogoro, Leonard Paul(Picha zote na Lucas
Mboje wa Jeshi la Magereza).