Wakulima wa tumbaku walalamika

Na Walter Mguluchuma

Mpanda

Wakulima wa tumbaku wa Chama cha msingi cha  Mpanda  Kati Mkoani  Katavi wameilalamikia bodi ya Chama hicho  kwa kuwaruhusu walanguzi wa tumbaku  wanaonunua  tumbaku kutoka mkoa wa Tabora na  kuwahusu walanguzi hao wa tumbaku  mfululizo  katika  masoko  na kuwakwamisha wanachama  wa  chama hicho kuuza  tumbaku yao waliozalisha.

Malalamiko  hayo ya wanachama wa  Chama  hicho cha  ushirika wa  wakulima wa Tumbaku  yalitolewa jana  na  wakulima  hao  mbele ya  wandishi wa  habari  katika  ofisi za  Chama hicho  zilizopo  katika   Mtaa wa madukani mjini  humo.

 Ramadhan  Nassoro mmoja  wa   wakulima  hao  alisema  kuwa wakulima  wa  chama  hicho  wameshindwa kuuza  tumbaku  yao zaidi ya  kilo  laki  tano  ya   msimu  wa  ununuzi wa  tumbaku wa mwaka  2016 na  2017  kutokana  na  sababu mbalimbali.

 Alisema sababu  hizo zimesababishwa  na  kitendo  cha bodi ya  chama  hicho kuwaruhusu  walanguzi wa  Tumbaku  kuuza   tumbaku yao kutoka  mkoa wa  Tabora  na  Mishamo  wilaya ya  Tanganyika  kwenye  masoko ya  chama  hicho  hari  ambayo imesababisha  wakulima wa   chama  hicho kushindwa kuuza tumbaku kwenye  chama  hicho kufuatia  idadi ya  kilo walizokuwa wamekubaliana na  Kampuni  inayonunua tumbaku ya PREMIUM kukamilika.

Naye Sef  Bakari alisema kuwa  yeye ni  miongoni mwa  wakulima waliouza  tumbaku yao  kwenye  chama  hicho  lakini  mpaka  sasa malipo  yake  bado  haja  lipwa kwa kile kinachodaiwa kuwa hawezi  kulipwa  malipo yao  mpaka  hapo  kampuni ya  PPEMIUM itakapo  kubali kununua zaidi ya kilo laki tano  zilizozidi.

Alifafanua  kuwa swala  la  kuzidi kwa  kilo  za  tumbaku wao  wakulima  haliwahusu  bali wao wanachohitaji  ni  kulipwa  kwa fedha zao tuu kwani tatizo  hilo  limesababishwa na  viongozi wa  chama hicho  kushirikiana  na  walanguzi  kwa kuwaruhusu kuuza  tumbaku ya kutoka nje ya  chama chao.

 Aliomba  Serikali ya  mkoa iunde tume ya kuchunguza kwa  nini  kilo  za tumbaku  zimezidi kwa  kiasi hicho  kitu  ambacho  hakija wahi kutokea  katika  miaka ya  uko  nyuma na  alishauri kwenye  tume  hiyo na  wakulima washirikishwe.

 Richard  Selevesto  alieleza  kuwa  wamekuwa wakijiuliza bila  kupata  majibu  kwani  inakuaje watu  wale  wale  wa siku  zote  kila mwaka  wao tuu  ndio  wanaongoza kwa  kuuza  tumbaku  kila  soko na  mtu  mmoja  anauza  tumbaku  mpaka  mitumba  600 wakati alilingani  na  kilimo  chao  na  viongozi wanawaangalia tuu na swali la  kujiuliza  mashamba yao  yako  wapi  waliyovuna   hizo tumbaku zote .

Noelia  Mbambali  aldai  kuwa  yeye  tumbaku yake inazaidi ya  mwezi  mmoja sasa  na   ipo  ndani ya  ghara la chama  hicho  lakini  imeshindwa kununuliwa  hadi  sasa kwa  kisingizio  cha   kutimia kwa  idadi ya  kilo  zinazotakiwa  kununuliwa  na kampuni.

Kwaupande wake  Osca  Paulo alisema  kuwa  wanaimani kuwa  bila  walanguzi  kuingiza  tumbaku  yao kwenye  masoko  yangekuwa  yameisha  malizika  na  hata  malipo  wangekuwa wamelipwa  wakulima  ndio  maana  tunasema  walanguzi na   viongozi  wetu  wanawahujumu wakulima  wanyonge .

Makamu  Mwenyekiti wa   chama  hicho  Moses   Shila  alieleza  kuwa  chama   chao  kiliwekeana  na  Kampuni  ya   ununuzi ya   tumbaku  ya   Premium kununua  kilo   1,400,000  kwa  msimu  huu  na  tayari   zimeisha  timia   hivyo   mazungumzo  yanaendelea na   kampuni  hiyo  ili   iweze kununua  kilo   zaidi ya   laki   tano  zilizo  zidi.

  Alisema   endapo  kampuni   kampuni   hiyo haitakubali  kununua  kilo hizo   zilizozidi  upo  uwezekano  wa  wakulima  ambao  wameisha  uza  tumbaku  yao  kushindwa  kulipwa   fedha  zao kwani  fedha   zao   zitakuwa  zimeishia  kwenye   madeni ya   pembejeo.

 Alikanusha  kuwa  viongozi wa   bodi ya   chama  hicho   haijashirikiana  na   walanguzi kuingiza  tumbaku ya  kutoka   sehemu   nyingine  bali ni  uzalishaji tu ndio  umeongezeka.

Mwisho