Mpanda washindwa kula nyama jumapili

Na Walter Mguluchuma

Katavi

WAKAZI wa Manispaa  ya  Mpanda  Mkoani Katavi jana wamelazimika  kutokula nyama ya ng'ombe  baada  ya kukosekana kwa  huduma ya  maji  katika  machinjio ya mji huo hali  ilisababisha kuto chinjwa kwa ng'ombe katika mji huo. 

Hali hiyo ilisababisha bucha za nyama Ya ng'ombe kutofunguliwa na kusababisha usumbufu mkubwa kwa wakazi hao na kulazimika kula kitoweo kingine tofauti na nyama ya ng'ombe

Mmojawa wauza  Bucha  iinayoitwa  Bismilah  iliyoko  katika  soko  la  Buzongwe  mjini humo alisema wamelazimika  kufunga  bucha zao kwa  siku  nzima  kutokana  na  kutokuwa na nyama ya  ng'ombe ya kuuza   baada ya  wafanya  biashara kushindwa  kuchinja  mifugo  yao  kutokana  na   machinjio inayomilikiwa  na  Manispaa ya  Mpanda  kukosa  huduma ya  maji.

  Alisema  siku ya  jana  walifika  kwenye  machinjio  kama  ambavyo  huwa wanafika  kwa  lengo la  kuchinja  mifugo yao kwaajili ya kuuza nyama lakini walikuta  machinjio hiyo  haina  huduma  ya  maji hali  ambayo  iliwalazimu  kufatilia  ilikujua tatizo  hilo la ukosefu wa  maji.

Nae  mfanya  biashara wa soko  kuu  la  Manispaa ya   hiyo Juma  Hassan  alisema  kuwa   tatizo la  ukosefu wa  maji  katika  machinjio hiyo  limekuwa likitokea  mara  kwa  mara  na  limekuwa  likijirudia.

 Alisema kuwa tatizo  hilo  huwa  linatokea    mara  nne  au  tano  kila  mwezi  na  mara zote  huwa  wafanyabiashara  wamekuwa  wakipelekewa maji  na uongozi wamanispaa kwa kutumia  magari.

Alisema kitendo cha kushangaza  jana  afisa mifugo wa  machinjio hiyo  alikataa  maji yasipelekwe  kama  ambavyo imekuwa maji  yakipelekwa pindi   machinjio  hiyo  inapokuwa   imekosa  maji .

 Kwa  upande  wake   Maneno  Daniel   mfanya  biashara  wa  Bucha ya  Ng'ombe  katika  soko la  Kachoma   alieleza  kuwa  wao  wamekuwa  wakilipa  ushuru  kwenye  machinjio hayo kwa  kila  ng'ombe  anae   chinjwa  ambapo wanalipa ushuru wa shilingi 5000  na kila  siku  wanachinjwa  ng'ombe  50 sasa  wao wanashangaa  nikwanini   maji yakosekane wakati wanalipa ushuru.

  Salome  John  Mkazi wa  Kawajense  Mjini  humo alisema kuwa wamelazimika  kutembea  kwenye  masoko  zaidi ya  matatu  kutafuta  nyama  hata  hivyo   hawakufanikiwa  kupata  nyama.

Kwaupande wake Meya  wa  Manispaa  hiyo Willy  Mbogo alisema  tatizo   hilo  wahusika  ni  mamlaka ya maji safi na usafi wa mazingira MUWASA  ambao  hawako  chini  ya  Manispaa hiyo bali wapochini ya  Wizara ya  maji   hivyo  wao   kama  Manispaa  wanashindwa  kuwasimamia.

Mbogo lisema endapo  wangekuwa  chini  yao hadhani kama  kungekuwa  na  tatizo  hilo  linalojitokeza mara  kwa  mara  na  kuongeza kuwa pia bodi  inayowasimamia MUWASA  inaonekana  haija kutana muda  mrefu  na  ndio  sababu  watu wanafanya  kazi  wanavyo taka.

Mwisho