Wawili wahukumiwa kunyongwa mpaka kufa

Na Gurian Adolf

Katavi.

Mahakama  kuu kanda  ya  Sumbawanga  imewahukumu watu  wawili  Kunyongwa hadi  kufa  katika  kesi  mbili  tofauti baada ya  kuwatia hatiani watuhumiwa  kwa kosa la kuua  kwa kusudia  wake  zao  huku  mmoja  akipatikana  na  hatia  ya  kumuua  mke  wake  na mwingine kumuua  alimuua mke wake mkubwa baada ya kumtuhumu kuwa alimuua kwa  ushirikina  mtoto wake kwa  mke wake  mdogo.

 Hukumu  hiyo ilitolewa na  jaji wa  Mahakama kuu ya Sumbawanga Jaji  Adamu  Mambi katika kikao  cha  Mahakama hiyo kilichofanyika  katika  Mahakama  ya   Wilaya  ya  Mpanda  Mkoa  wa   Katavi.

Katika  kesi ya  kwanza  Mahakama kuu  ilimuhukumu  Shija  Sosoma(52)  Mkazi  wa  Kijiji cha  Mamba  Wilaya ya   Mlele   kunyongwa  hadi  kufa  baada  ya  kupatikana  na hatia  ya kumuua kwa kusudia  mke wake   mkubwa kwa  kumchinja  baada ya kumtuhumu kuwa ni  mchawi alimuua mtoto  wake wa  mke  mdogo kwa  ushirikina.

 Awali  mwendesha  mashitaka  mwanasheria  mkuu wa  Mkoa  wa   Katavi  Achiles  Mulisi  alidai  Mahakamani hapo kuwa  mshitakiwa  alitenda  kosa  hilo Januari 23 mwaka 2012  huko  katika  Kijiji  cha  Mamba.

 Ilidaiwa  kuwa  siku  hiyo  mshitakiwa  Sosomo    alimchinja  mke  wake  mkubwa  aitwaye   Mwashi  Nkuba   baada ya  kumshutumu  kuwa amemuua  kichawi mtoto wake wa  mke mdogo.

Mwendesha  mashita   huyo   alidai  kuwa  mshitakiwa   baada  ya  kufanya  mauaji  hayo  alikwenda  kutoa  taarifa  kwa   balozi wa nyumba  kumi  na  kumweleza  kuwa  amafanya  mauaji  ya  kumuua  mke  wake  mkubwa  kwa  kuwa  amemuua  mtoto wake  wa  mke   mdogo.

Katika   kesi  hiyo   mshitakiwa   alikuwa   akitetewa na   mwanasheria  Elias   Kifunda  ambapo   upande huo  haukuwa  na   shahidi  yoyote  zaidi ya mshitakiwa  mwenyewe  huku  upande  wa  mashtaka  ukiwa  na  mashihidi  sita.

Akisoma hukumu  Jaji   Adamu   Mambi  aliiambia   Mahakama  kuwa  kutokana  na  ushahidi  uliotolewa  Mahakamani  hapo  Mahakama  pasipo shaka  yoyote  imeridhika  na ushahidi  uliotolewa na  upande  wa  mashita  hivyo   mshitakiwa  amepatikana   na  hatia  ya  kifungu  cha   sheria  namba 196  na  197  kuua  kwa  kusudia

Hivyo  alitoa  nafasi  kwa  mshitakiwa ya  kujitetea kabla  haja  somewa  hukumu  hata  hivyo   wakili  Elias  Kifunda   aliieleza  Mahakama kuwa mshitakiwa  amepatikana  na hatia  hiyo   ambayo  adhabu  yake  ni  moja tuu kwa  hiyo   Mahakama  itoe  hukumu  kwa   jinsi   sheria  inavyoelekeza.

Nae  Mwanassheria  wa  Serikali  Achiles  Mulisi  aliiomba  mahakama  itoe  adhabu  kali  kwa  mshitakiwa  kwani  mauaji ya kuuawa  kwa  wanake  yameshamiri  sana  mkoani  Katavi  hivyo  adhabu  kali  ikitolewa  kwa  mshitakiwa   huyo  itakuwa  ni  funzo kwa  watu  wengine.

 Jaji  Adamu   baada ya  kusikiliza  utetezi huo alisoma hukumu na  kueleza  kuwa   mshitakiwa  mahakama  imemuhukumu kwa  kosa   la  kifungu cha   sheria    Namba   26   ambapo adhabu  yake  ni  kunyongwa hadi  kufa.

Katika  kesi  nyingine  Mahakama  kuu  ya Sumbawanga  imemuhukumu  kunyongwa  hadi  kufa   Monde  Ndushi (52)Mkazi  wa   Kijiji  cha  Chamalendi   Tarafa ya   Mpimbwe   Wilaya  ya  Mlele Kunyongwa  hadi  kufa  baada  ya  kupatikana  na  hatia  ya  kumuua  mke  wake   kwa  makusudi.

 Mwendesha  mashitaka  mwanasheria wa  Serikali  Jamila   Mziray  aliiambia  mahakama  kuwa  mshitakiwa  alitenda  kosa  hilo Machi  12  mwaka  2016.

Siku  hiyo mshitakiwa  alidaiwa  kumuuwa  mke  wake   aitwaye   Ngole  Njile   kwa   kumchoma na   visu  baada  ya  kukasirishwa  na  kitendo  cha  marehemu  kumnyima  mahindi   ndugu  yake.

Mshitakiwa   katika  kesi  hiyo   alitetewa  na  wakili  Elias   Kifunda  ambapo   katika  utetezi  wake   alidai  kuwa  yeye   hakutenda  kosa  hilo na  siku  hiyo ya  tukio  hakuwepo  nyumbani  kwake  bali   alikuwa  amesafiri.

Baada ya  kusikliza  pande  hizo  mbili Jaji   Adamu Mambi   alitoa  nafasi  kwa  upande wa  utetezi  kuweza   kujitetea  kabla  ya kusomwa kwa  hukumu ambapo  wakili   Elias   aliiomba   Mahakama   itoe  adhabu  kwa  mujibu  wa   sheria  inavyo  eleza  kwani  kosa  hilo    adhabu  yake  ni kunyongwa hadi kufa. 

Mwanasheria  wa  Serikali   Jamila   Mziray  aliiomba   Mahakama  itoe  adhabu  kali  kwa  mshitakiwa  kwani  kitendo  alichokifanya  ni  cha  kikatili  na  pia  amewasababishia  watoto wa marehemu  kukosa  huduma  za  mama  yao  ambazo  walikuwa  bado wanazihitaji.

Akisoma hukumu  hiyo  Jaji  Adamu   Mambi  aliiambia   Mahakama  kuwa  mshitakiwa   amepatikana  na  hatia ya  kosa  la  kifungu  cha   sheria  namba  196 na  197  hivyo  mahakama  imemuhukumu   Monde   Ndusha  kunyongwa  hadi  kufa.

Mwisho