Ahukumiwa kunyongwa hadi kufa baada ya kuua mke na watoto,kisha kutumbukiza miili yao kisimani

Na Gurian Adolf
Katavi

Mahakama kuu  Kanda ya  Sumbawanga  imemuhukumu   Yustine  Robarti (32)Mkazi  wa   Kijiji  cha   Maji  Moto  Wilaya  ya  Mlele  Mkoa  wa  Katavi   kunyongwa  hadi  kufa  baada  ya  kapatikana  na  hatia ya  kumuua   mke  wake  na  watoto wake wadogo  wawili  na  kisha  kuwatumbukiza  ndani ya kisima  cha  kuchota maji kijijini hapo. 

Hukumu   hiyo  ilitolewa  jana  na  Jaji wa  Mahakama kuu  Kanda ya  Sumbawanga  Adam Mambi katika vikao vya Mahakam kuu vinavyoendelea kufanyika katika mahakama ya Wilaya ya Mpanda Mkoani Katavi  baada ya   Mahakama kuridhika  na  ushahidi  uliotolewa  Mahakamani hapo  na  upande  wa  mashtaka  uliokuwa ukiongozwa na Mwanasheria mkuu wa serikali wa Mkoa wa Katavi  Achiles Mulisi.                               

Awali katika kesi hiyo mwendesha mashtaka  Mwanasheria mkuu wa serikali wa mkoa wa katavi alidai mahakamani hapo kuwa mshtakiwa alitenda kosa hilo Mach 23 mwaka 2015 majira ya saa 7 za usiku baada ya kutokea  ugomvi  baina yake na mke wake wakati wakiwa wamelala chumbani na watoto wao ambao na hoa aliwaua.

Ilidaiwa kuwa siku hiyo ya tukio Yustini alimpiga mke wake aitwaye Monica Lwiche( 25) na kisha baada ya kumuuwa alimtupia katika kisima cha maji na pia aliwauwa  watoto wake wawili Eliza Robert(4)na Frank Robart(6) kwa lengo la kuvuruga ushahidi kwakuwa wakati akifanya kitendo hicho  watoto wake walikuwa wakishuhudia.

Kabla ya kufanya mauaji hayo mshtakiwa alikuwa ametoa kauli za vitisho  kuwa endapo mke wake atarudi nyumbani atafanya jambo litakalokuwa la kihistoria na ambalo halitasahaulika  kwa wakazi wa kata hiyo.

Mshtakiwa katika kesi hiyo alikuwa anatetewa na wakili Patrick Mwakyusa ambapo upande huo wa utetezi ulikuwa na mashahidi wawili mshtakiwa mwenyewe na Baba yake mzazi ambapo katika utetezi huo waliiomba mahakama imwachie huru kwani upande wa mashtaka umeshindwa kudhibitisha kama kweli alitenda kosa hilo.

Pia upande huo wa utetezi  ulidai kuwa  upande wa mashtaka umeshindwa kudhibitisha kuwa wakati anafanya mauaji hayo kuna mtu yoyote aliyeshuhudia tendo hilo la kumuuwa mke  na watoto na kuwatupia katika kisima cha maji.

Utetezi huo ulipingwa vikali na mwanasheria wa serikali Achiles Mulisi kwa kile alichodai kuwa wakatika ugomvi huo unatokea  mwanzoni mama mwenye nyumba alikokuwa amepanga mshtakiwa  alishuhudia ugomvi huo na ushahidi wa  maneno ya vitisho aliyoyatoa mshtakiwa ni ushahidi tosha kuwa ndiye aliyetekeleza mauaji hayo na kitendo cha kuwaua watoto wake wawili wanaojua kuongea na kumwacha  mdogo aliyeokotwa barabarani ni ushahidi tosha.

Akisoma hukumu hiyo Jaji Adam Mambi  aliiambia mahakama kuwa kutokana na ushahidi uliotolewa mahakamani hapo na upande wa mashtaka na utetezi Mahakama lazima iangalie mambo  matatu ambayo ni ushahidi wa mazingira,je upande wa mashtaka unadhibitisha na kama kweli  mshtakiwa amehusika katika mauaji hayo au la.

Hivyo aliieleza mahamakama kuwa kutokana na maswali hayo matatu ambayo mahakama ilihoji iliridhika na ushahidi uliotolewa na upande wa mashtaka na hivyo kumtia hatiani mshtakiwa Yustin Robert kwa kosa la kifungu cha sheria namba 196 na 197 cha kanuni ya adhabu na alitoa nafasi kwa mshtakiwa kujitetea kabla ya kusoma hukumu.

Wakili wa mshatakiwa Patrick Mwakyusa aliiambia mahakama kutona na mshtakiwa kupatikana  na kosa chini ya kifungu hicho cha sheria ambayo adhabu yake nimoja tu hana kitu chochote cha kuiomba mahakama.

Naye Mwasheria wa serikali aliiomba mahakama itoe adhabu kali li iwe fundisho kwa watu wenye tabia kama hiyo na hasa wanaowauwa watu wasikuwa na hatia na kutokana na mauaji kuwa mengi mkoani katavi hasa kwa wanawake ni vyema mahakama ikatoa adhabu kali kwa mshtakiwa huyo.

Baada ya maelezo hayo Jaji Adam Mambi alisoma kuhumu na kuieleza mahakama kuwa mshtakiwa Yustini amepatikana na hatia ya kuua watu watatu hivyo Mahakam imemuhukumu kunyongwa hadi kufa.

Mwisho