Aliyesadikika kafa baada ya kuliwa na fisi zaidi ya miezi nane apatikana akiwa hai

Peti Siyame
Sumbawanga

MKAZI wa  kijiji  cha Tunyi  kata ya Mabwe Nkoswe  wilaya  ya  kalambo mkoani  Rukwa  Matipa Sizunzu (20)   aliyepotea tangu  sepetembea  2016  katika  mazingira  ya kutatanisha  kisha  ndugu  zake  kuweka  msiba  wakiamini kuwa  ndugu yao  amefariki  dunia   amepatikana  akichunga  ng’ombe  za mmoja  wa  wafugaji  kijijini  hapo.

Tukio  hilo  la  kushangaza  limetokea  kijijini  hapo  baada  ya kijana  huyo  kupatikana  akichunga  ng’ombe  wa  Juma  Maeka  na  kupelekea   wananchi  kukumbwa   na   taharuki   baada  ya   mfugaji huyo  kugoma   kumrejesha  kijana  huyo  kwa  ndugu zake  akitaka kulipwa kiasi  cha  shilingi  milioni  moja (1,000,000=/)  ambazo alizitoa  wakati   wa  msiba  mara  baada  ya  kijana  huyo  kudaiwa
kufariki  dunia kwa kuliwa  na  fisi.

Diwani  wa  kata  hiyo Julias  Kanowaliwa  Siwale,  alisema kabla  ya kupotea  kijana  huyo  alikuwa  akifanya  kazi  ya  kuchunga ng’ombe  kwa mfugaji  huyo ,ambapo  baada  ya  kupotea  kwake  alimuakutoa  fedha  kiasi  cha  shilingi milioni  moja   kwa  ajili  ya kusaidia  msibani.

Alisema   baada  ya    msiba  kumalizika  kila  mtu  aliamini  kuwa kijana  huyo  alikuwa  amefariki  dunia    na   kuja  kushangaa  baada  ya  ndugu   na  kijana  huyo  kumkuta   kijana  wao  akichunga ng’ombe  wa  mfugaji  huyo  katika  moja  ya  mbuga  iliopo  kijijini hapo.

 Alisema  baada  ya  kumtaka warudi  nae  nyumbani  mfugaji  huyo  aliwakatalia  akitaka  kulipwa  fedha   ambazo  alitoa  wakati  wa  msiba  na  kupelekea  kujitokeza  kwa  malumbano  baina yao.

Alisema  baada  ya   malumbano  kuwa  makubwa   ikawalazimu  kama uongozi wa  kata   kuingilia  kati  na   kuweka  kikao   na  kumwamuru  mfugaji  huyo  kumrejesha   kijana  huyo  kwa  ndugu  zake sambambana  kumpiga  faini  mfugaji   huyo  kiasi  cha  shilingi  laki moja kama  fidia  kwa   ndugu  wa  kijana  huyo.

Mtendaji  wa  kata  hiyo  Oswald Kalindo, alisema  awali  kila  mtu alikuwa  na  matumaini  kuwa  kijana  huyo  alikuwa  amefariki  dunia  kwani  walimtafuta  kila mahali kijijini humo na  maeneo ya jirani kwamuda  mrefu  bila  mafanikio  na  kuamua  kuweka  msiba  wakiamini kuwa  alikuwa  ameliwa  na  fisi kutokana na kuwa na fisi wengi katika kijiji hicho.

Alisema  kupatikana  kwa  kijana  huyo  kumeleta  faraja  kwa wakazi  wa  kata  hiyo  kutokana na  kwamba  kila  mmoja  alikuwa  na  wasiwasi   juu  ya  kupotea   kwake.
mwisho