Jela kwa utapeli

Na Walter Mguluchuma

Katavi

MAHAKAMA ya mwanzo wilayani Mpanda mkoani Katavi imemuhukumu aliyekuwa akijitambulisha ni mwakilishi wa  televisheni ya Star Tv mkoani humo pia  mtoto wa  Kamanda mstaafu wa Jeshi la polisi  Sulemani Kova anaejulikana kwa  jina la  Gerald  Kova mkazi wa mkoa wa  Mwanza kifungo cha mwaka   mmoja  jela kwa kosa la uapateli.

Hukumu hiyo ilitolewa jana  na hakimu mfawidhi wa mahakama hiyo Marko  Pagyo  baada ya kulidhika na ushahidi uliotolewa na  upande wa  mashtaka.

Awali mwendesha mashtaka wa jeshi  la  Polisi Wp Salma alidai Mahakamani hapo kuwa mshtakiwa alitenda kosa hilo februari  8 mwaka huu katika   eneo la hotel ya Madina katika Manispaa ya Mpanda.

Alidai  kuwa  mshitakiwa  huyo alijipatia kwa  njia ya udanganyifu  Kamera  moja  aina  ya  Canoni yenye thamani ya shilingi 3,500,000 pia computer aina ya  Laptop pamoja na stendi ya Kamera ya video  mali ya Elias Mlugala.

 Alisema mtuhumiwa  baada ya  kujipatia  mali  hizo kwa  njia ya   udanganyifu alitoroka wilayani Mpanda  na kutokomea  kusiko   julikana.

 Alisema vitualivyotapeli ni camera aina ya Nikon  D 7,200 mali  ya  Chama  cha  Wandishi wa  habari mkoa wa  Katavi yenye  thamani ya  shilingi 4,900.000.

Mwendesha  mashitaka  huyo aliendelea kuiambia mahakama hiyo kuwa mshitakiwa  baada  ya  kutokomea  haikujulikana  alikokimbilia  mpaka mwezi Agosti alipokamatwa  huko Kahama ambako alikuwa ajimetambulisha kwa jina  la Crispin  Masawe na alikamatwa baada ya  kufanya amefanya  utapeli mwingine na kujipatia  Lap top  moja ya  mwandishi wa  habari.

 Alidai  kuwa  baada ya  kukamatwa    alifikishwa mahakama ya mwanzo  ya Kahama  na  kuhukumiwa  kifungo cha  miezi  mitatu  au  kulipa  faini ya shilingi 100,000  hata  hivyo  hakuweza kulipa na  kwenda gerezani kutumikia kifungo.

 Mwendesha  mashta alieleza  ndipo waandishi wa habari wa mkoani katavi  Elias  na   Kibada waliotapeliwa na mtuhumiwa huyo walipoa taarifa  kituo cha  polisi cha  Mpanda juu  ya   mtuhumiwa  wao  kuhukumiwa   kifungo  hivyo walifanya  utaratibu na  waliweza kwenda Kahama na kumlipia  faini na  kumtoa  gerezani kisha akawa  chini ya ulinzi wa  polisi na kusafirishwa  hadi  Mpanda  na  alipofikishwa aliweza  kuonesha vifaa vyote,ambavyo alimuzia   mfanyabiashara  mmoja wa  huko wa majimoto wilayani  Mlele mkoani  humo.

Mshitakiwa Gerald  Kova  katika  utetezi wake kabla ya kusomewa  hukumu  aliiomba  mahakama  imwachie  huru kwa  kile alichodai  kuwa  anakunywa  dawa za  kufubaza makali ya ukimwi ARVs na anamatatizo ya ugonjwa wa  sikoseli pia  mama  yake  mzazi ni  mgonywa  na   anamtegemea  yeye.

Baada  ya  utetezi huo   hakimu  Paragyo  alisoma hukumu  na  kuamuru mshitakiwa  atumikie  kifungo cha mwaka  mmoja jela  na pindi atakapo toka gerezani  atatakiwa  kulipa shilingi 800,000.

Mshitakiwa  huyo   anatarajiwa  kufikishwa tena mahakamani kwaajiri ya kesi ya  pili ya kuiba kamera aina ya Nicon  mali ya  Chama  cha waandishi wa habari ambapo kesi  hiyo   itasikilizwa.

Mwisho